ઉત્તરપ્રદેશ / યુપીમાં ધર્માંતરણ મામલો: ગુજરાતમાંથી ઝડપાયેલા સલ્લાઉદ્દીને કરેલા ખુલાસાથી પોલીસ પણ થઈ ગઈ સ્તબ્ધ

• ઉત્તરપ્રદેશ ધર્માન્તરણ કેસમાં ચોંકાવનારો ખુલાસો 
• આરોપી સલ્લાઉદ્દિને કર્યું હતું કરોડોનું ફંડીંગ 
• CAAનો વિરોધ કરતા લોકોને છોડાવા કર્યું હતું ફંડિગ 

ઉત્તરપ્રદેશ ધર્માન્તરણ કેસમાં જેલમાં બંધ આરોપી સલ્લાઉદ્દીન દ્વારા ચોંકાવનારા ખુલાસો કરવામાં આવ્યો છે. સલાઉદ્દીને એવો ખુલાસો કર્યો છે કે જે લોકો CAAનો વિરોધ કરતા હતા તે લોકોને છોડાવા માટે તેણે નાણા મોકલ્યા હતા. સમગ્ર મામલે ખુલાસો થયો બાદ પોલીસ પણ ચોંકી ગઈ છે અને તપાસ કરી રહી છે. 

5.43 કરોડના વ્યવહારો પોલીસને મળી આવ્યા 

આરોપીએ 5.43 કરોડના વ્યવહારો કર્યા હતા જે પોલીસને મળી આવ્યા છે. આ નાણા તેણે દિલ્હી, રાજસ્થાન અને ઉત્તરપ્રદેશમાં મોકલ્યા હતા. જેમા હવાલા દ્વારા તેણે નાણા મોકલ્યા હોવાનું સામે આવ્યું છે. 

4 કરોડ મસ્જિદ બનાવા મોકલ્યા હતા 

વધુમાં આરોપી સલાઉદ્દીને એવી કબૂલાત પણ આપી છે કે તેણે 4 કરોડ રૂપિયા મસ્જિદ બનાવવા માટે પણ મોકલ્યા હતા. આ આરોપીએ મધ્ય ગુજરાતમાં અનેક લોકોનું ધર્માન્તરણ કરાવ્યું હોવાની શક્યતા સેવાઈ રહી છે. જેથી તેની કરતૂતને કારણે આજે તે જેલના સળીયા ગણી રહ્યો છે. જોકે હાલ આ મુદ્દે સલ્લાઉદ્દીનને વડોદરા ટ્રાન્સફર વોરંટથી લાવવામાં આવશે તેવી માહિતી સામે આવી છે.

ગુજરાત ATSની ટીમે અમદાવાદથી કરી હતી આરોપીની ધરપકડ 

ઉલ્લેખનીય છે કે સલ્લાઉદ્દીન શેખની ગુજરાત ATS દ્વારા ધરપકડ કરવામાં આવી હતી. ઉત્તરપ્રદેશ ધર્માન્તરણ કેસમાં તેના પર આરોપ લાગ્યા હતા કે તેને મોટા પ્રમાણમાં ફંડીગ કર્યું છે. જે આરોપો હવે સાચા સાબિત થયા છે. આપને જણાવી દઈએ કે ગુજરાત ATS દ્વારા અમદાવાદથી આરોપીની ધરપકડ કરવામાં આવી હતી.