ખુલાસો / રાજકોટના ગાંઠિયા શોખીનો ચેતજો, આરોગ્ય વિભાગે કર્યો એવો ખુલાસો ખાતા પહેલા દસ વાર વિચારશો

• ગાંઠિયાના શોખીન છો,તો ચેતજો !
• ગાંઠિયામાં વોશિંગ સોડાનો ઉપયોગ
• રાજકોટમાં દરોડામાં પાડતા ખુલાસો

જો તેમે ગાંઠિયા ખાવાનો શોખીન હોય તો જરા ચેતજો, કેમ કે રાજકોટ મહાનગરપાલિકાના આરોગ્ય વિભાગે શહેરની ફરસાણની દુકાનો પર સપ્રાઈઝ ચેકિંગ હાથ ધર્યુ હતું. જેમાં 5 એકમમાંથી ચકાસણી કરતા ફરસાણ બનાવવા માટે કપડાં ધોવાના વોશિંગ પાઉડરનો ઉપયોગ જોવા મળ્યો હતો. 

રાજકોટ આરોગ્ય વિભાગના દરોડામાં ચોંકાવનારો ખુલાસો

ગાંઠિયા ગુજરાતીઓ માટે નેશનલ ફૂડ સમાન છે તેમજ ગાંઠિયાના સ્વાદના શોખીન ગુજરાતીઓની સવાર ગાંઠિયાના જ્યાફત માણતા જોવા મળે છે પરતું તેમના માટે એક માઠા સમાચાર સામે આવ્યા છે.  સૌરાષ્ટ્રમાં લોકો ગાંઠિયાની દુકાનો પર ટોળે વળીને નાસ્તા કરતા ઠેરઠેર દેખાતા હોય છે. એવામાં એક ચોંકાવનારી હકીકત બહાર આવી છે ફરસાણની દુકાનો વેપારીઓ દ્વારા ગાંઠિયા બનાવવા માટે કપડાં ધોવાના વોશિંગ પાઉડરનો ઉપયોગ કરવામાં આવતો હોવાનું સામે આવ્યું છે. 

5 વેપારીઓને ત્યાંથી લીધેલા નમૂના શંકાસ્પદ

આરોગ્ય વિભાગની ટીમે ફરસાણની દુકાનો પર ચેકિંગની કાર્યવાહી હાથ ધરી હતી જેમાં 5 વેપારીઓને ત્યારે નમૂનાઓ શંકાસ્પદ જણાયા હતા જ્યારે ફરસાણના 3 વેપારીઓપાસેથી કપડા ધોવાનો 10 કિલો સોડાનો મળી આવ્યો હતો જ્યારે ભગવતી ફરસાણ સ્વીટ માર્ટમાથી પણ 10 કિલો સોડા જપ્ત કરવામાં આ્યો હતો આમ  વેપારીઓ વધુ નફો કરાવવાના લાલચે ગ્રાહકોના જીવ સાથે ચેડા કરે છે. ગાંઠિયામાં ખાવાના સોડાને બદલે વોશિંગ પાવડરનો ઉપયોગ કરે છે. જે લોકોના આરોગ્ય પર મોટું જોખમ છે.  

વેપારીઓ ગાંઠિયામાં કપડા ધોવાનો સોડા નાખતા હોવાનો ખુલાસો

મનપાની ફૂડ શાખાએ ફરસાણ બનાવતા એકમો પણ ચેકિંગ હાથ ધર્યું હતું જેમાં શહેરમાં આવેલી 5 પેઢી જેમાં 1-વીર બાલાજી ફરસાણ, પેડક રોડ, 2-ભગવતી ફરસાણ સ્વીટ માર્ટ, ગોવિંદબાગ શાકમાર્કેટ, 3-ચામુંડા ફરસાણ, ગોવિંદબાગ શાક માર્કેટ રોડ, 4-ભારત સ્વીટ માર્ટ, દિગ્વિજય રોડ અને સ્વામિનારાયણ ફરસાણ, લક્ષ્મીવાડી મેઈન રોડ પેઢી પર ચેકિંગ હાથ ધરવામાં આવ્યું હતું. તપાસ દરમિયાન 5 એકમમાં ચકાસણી દરમિયાન કપડાં ધોવાના વોશિંગ પાઉડરનો ઉપયોગ કરાતો હોવાનું સામે આવતા જ લોકોના સ્વાસ્થ્ય સાથે ચેડા કરતા વેપારીઓ સામે દંડ ફટકારી અધિકારીઓએ આગળની કાર્યવાહી હાથ ધરી છે. 

ક્યાંથી શેના લેવાયા સેમ્પલ?

ભારત સ્વીટ માર્ટ

• (દિગ્વિજય રોડ)
• મોહનથાળ

સ્વામિનારાયણ ફરસાણ

• (હવેલી ચોક)
• લાસા લાડુ

વિરબાલાજી ફરસાણ એન્ડ સ્વીટ

• (ગોવિંદબાગ શાક માર્કેટ)
• સેવ 

ભગવતી ફરસાણ એન્ડ સ્વીટ માર્ટ

• (ગોવિંદબાગ શાક માર્કેટ)
• તીખી પાપડી

આ દુકાનો પર વાસી ફરસાણ અને મીઠાઈનો નાશ કરાયો

1. વિરબાલાજી ફરસાણ, ગોવિંદબાગ શાક માર્કેટ રોડ, પેડક રોડ

• વોશિંગ સોડા 10 કિલો, પાપડી 8 કિલો, સક્કરપારા 2 કિલો, પેંડા 4 કિલો., મોહનથાળ 10 કિલો. અને મોતીચુરના લાડુ ૩ કિલો.

2. ભગવતી ફરસાણ સ્વીટ માર્ટ, ગોવિંદબાગ શાક માર્કેટ રોડ

• વોશિંગ સોડા 10 કિલો, તીખી પાપડી 20 કિલો, તીખા ગાંઠીયા 22 કિલો, સુકી કચોરી 4 કિલો. અને સમોસા 21 કિલો.

3. ચામુંડા ફરસાણ,ગોવિંદબાગ શાક માર્કેટ રોડ

• વોશિંગ સોડા 5 કિલો અને તીખુ ચવાણું 08 કિલો.
• ફરસાણની દુકાનોમાં ચેકિંગ કરાયું.
• ફરસાણની દુકાનોમાં ચેકિંગ કરાયું.
• ફૂડ સેફ્ટી સ્ટાન્ડર્ડ એક્ટ મુજબ નમૂના લેવામાં આવ્યા

1. મોહનથાળ (લુઝ) સ્થળ
સ્થળ: ભારત સ્વીટ માર્ટ, દિગ્વિજય રોડ, કિશોરસિંહજી રોડ
2.લાસા લાડુ (મિઠાઇ,લુઝ)
સ્થળ: સ્વામિનારાયણ ફરસાણ, લક્ષ્મીવાડી મે. રોડ, હવેલી ચોક
3.સેવ (ફરસાણ -લુઝ)
સ્થળ:-વિર બાલાજી ફરસાણ એન્ડ સ્વીટ, શોપ નં 3, શિવધારા કોમ્પલેક્ષ, ગોવિંદબાગ શાક માર્કેટ, બાલક હનુમાનજી ચોક પાસે
4.તીખી પાપડી (લુઝ)
સ્થળ:- ભગવતી ફરસાણ એન્ડ સ્વીટ માર્ટ, ગોવિંદબાગ શાક માર્કેટ