દરોડા / રાજકોટમાં RK ગ્રૃપ પર IT વિભાગના દરોડામાં થયો ચોંકાવનારો ખુલાસો, કરોડોનો વ્યવહારો સામે ન આવે એટલે આખો ખેલ માત્ર ચિઠ્ઠી પર ચાલતો

• RK ગ્રૃપ પર IT વિભાગના દરોડામાં થયો ખુલાસો
• સંપૂર્ણ રકમ લખવાના બદલે 1 કે 2 અંકમાં લખાતો હિસાબ
• કરોડો રૂપિયાના વ્યવહાર ચિઠ્ઠી મારફતે થતા હોવાનો ખુલાસો

રાજકોટમાં શહેરના જાણીતા RK ગ્રુપ પર સતત ચોથા દિવસે પણ ઇન્કમ ટેક્સના સર્વેની કામગીરી યથાવત જોવા મળી રહી છે,  ત્યારે  મોડીરાત સુધીમાં 45 સ્થળો પૈકી 50 ટકા સ્થળો પર તપાસ પૂર્ણ કરી લેવામાં આવ્યું છે. જો કે  RK બિલ્ડર પરીવાર અને ગંગદેવ ગ્રુપ પર હજુ પણ તપાસ ચાલી રહી છે જેમાં કરોડો રૂપિયાના બિનહિસાબી સાહિત્ય કબજે કરવામાં આવ્યા છે. સાથે બેનામી હિસાબો અને સોના તેમજ મિકલતોના વેલ્યુએશનની કામગીરી હાથ ધરવામાં આવી છે. 

વ્યવહારો સામે ન આવે એટલે આખો ખેલ ચિઠ્ઠી પર થતો

મહત્વનું છે કે  RK  ગ્રુપ પર દરોડા બાદ ચોંકાવનારા ખુલાસા સામે આવ્યા છે. જેમાં કરોડોના વ્યવહાર ચિઠ્ઠી મારફતે થતો હોવાનું ખુલ્યું છે, આ તમામ વ્યવહારમાં સંપૂર્ણ રકમ લખવાના બદલે એક કે બે અંકમાં હિસાબ લખવામાં આવતો તેમજ વ્યવહારો સામે ન આવે તે માટે આખો ખેલ ચિઠ્ઠી પર ચાલતો એટલું જ નહીં ચિઠ્ઠીમાં નામ પણ ડમી રાખવામાં આવતું હોવાનો ખુલાસો થયો છે. 

ચિઠ્ઠીમાં નામ પણ ડમી રાખવામાં આવતા હોવાનો ખુલાસો

આવેક વેરા વિભાગ દ્વારા હાલ તો કરોડો રૂપિયાના બિનહિસાબી સાહિત્ય કબ્જે કરવામાં આવ્યા છે. સોના અને મિલકતોના વેલ્યુએશનની કામગીરી ઇન્કમ ટેક્સ વિભાગે શરૂ કરી દીધી છે. કેટલીક મિલકતોની વેલ્યુએશનને લઇ ઇન્કમ ટેક્સ વિભાગે તપાસ હાથ ધરવામાં આવી છે. મહત્વનું છે કે આર કે ગ્રુપ ફાયનાન્સના વ્યવસાય સાથે જોડાયેલા છે. દાણાપીઠમાં RK ફાયનાન્સ પેઢી આવેલી છે. તેમજ આરકે ગ્રુપના માલિક સર્વાનંદ સોનવાણી અને કમલ સોનવાણી છે. જગદિશ સોનવાણી સહિત 6 ભાઇઓ છે. 

RK ગ્રૃપ પર IT વિભાગના દરોડામાં થયો ખુલાસો

RK ટ્રેડિંગના નામે હડમતાળામાં ફૂડ પ્રોસેસિંગ યુનિટ આવેલું છે. અને અનાજ -કઠોળનું પણ મોટું કામકાજ છે.  કુવાડવા રોડ પર 1 થી લઇને 11 સુધી ઇન્ડસ્ટ્રીયલ ઝોન તૈયાર કર્યા છે. અનેક ફાર્મહાઉસ પ્રોજેક્ટ પણ તૈયાર કર્યા છે. પહેલા જમીન, મકાન અને પ્લોટીંગનું કામ કરતા હતા. જો કે છેલ્લા ઘણાં વર્ષોથી બિલ્ડીંગ તૈયાર કરે છે. મોટાભાગે ભાગીદારી પેઢીમાં કામ કરે છે.જેથી દરોડામાં તેની ભાગીદારી પેઢી પર પણ દરોડા હાથ ધરવામાં આવ્યા છે. મહત્વનું છે કે સતત ચાર દિવસથી આવક વેરા વિભાગ દ્વારા તપાસની કાર્યવાહી હાથ ધરવામાં આવી રહી છે ત્યારે આજે ચોથા દિવસની કાર્યવાહીમાં હજું પણ કંઈક નવું  સામે આવી શકે છે.