ક્યારેય એવુ સાંભળ્યુ છે કે કોઇની છાતીમાં ચાકૂ ઘૂસી ગયાને 30 કલાક થયા હોય તેમ છતા તેનો જીવ બચી ગયો હોય? રામ રાખે તેને કોણ ચાખે આ કહેવત સાચી ઠરી છે તમિળનાડુમાં.. જ્યાં 40 વર્ષિય એક મહિલા પર જીવલેણ હુમલો થયો હતો અને 6 ઇંચ લાંબુ ચાકુ તેની છાતીમાં પોરવી દેવામાં આવ્યુ હતુ. આ ચાકુ તેની છાતીમાં 30 કલાક રહ્યું અને તેમ છતા તેનો જીવ બચી ગયો હતો.
મહિલા પર થયો જીવલેણ હુમલો
30 કલાક ફસાયેલુ રહ્યું ચાકૂ
આખરે આ રીતે બચ્યો જીવ
શું હતો સમગ્ર મામલો
મહિલા પર જીવલેણ હુમલો થયો બાદમાં તેની કોઇમ્બતૂર હોસ્પિટલમાં સર્જરી કરવામાં આવી હતી. ઘટનાના તરત બાદ મહિલાને સરકારી હોસ્પિટલ લઇ જવામાં આવી હતી અને ત્યા તેને એક રાત રાખવામાં આવી હતી. બાદમાં તેને કોઇમ્બતૂર હોસ્પિટલ ખસેડવામાં આવી હતી. ત્યાં તેની સર્જરી થઇ અને તેનો જીવ બચી ગયો.
ડૉક્ટરે શું કહ્યું
સર્જરી ડૉ. શ્રીનિવાસને કરી હતી અને તેમણે સર્જરી બાદ નિવેદન આપ્યુ હતુ કે, ચાકૂ 6 ઇંચ લાંબુ હતુ અને મહિલાના ફેફસાને ઘણુ નુકસાન પહોંચાડ્યુ છે. ભગવાનની મહેરબાની છે કે ચાકૂ મહિલાના હ્રદય સુધી નહોતુ પહોંચી શક્યુ નહીતર તે જીવ ગુમાવી બેસત.