એક મહિલાએ બોયફ્રેન્ડ સાથે સંબંધ બનાવવા માટે પોતાના બે નાના બાળકોને કારની બહાર ઉભા કરી દીધા. જ્યારે મહિલા કારની અંદર પોતાના બોયફ્રેન્ડ સાથે રોમાન્સ કરી રહી હતી. આ ઘટના આર્જેન્ટીનાના લા પ્લાટામાં સ્થિત પેરેયરા ઇરાઓલા પાર્કની છે.
એક મહિલાએ કારમાં પોતાના બોયફ્રેન્ડ સાથે બનાવ્યાં શારીરીક સંબંધો
મહિલાએ પોતાના બાળકોને કારની બહાર રાહ જોવાનું જણાવ્યું
ઘટનાસ્થળે પહોંચેલી પોલીસે મહિલા અને તેના બોયફ્રેન્ડની કરી ધરપકડ
અને કારનો દરવાજો બંધ કરી મહિલાએ બોયફ્રેન્ડ સાથે કર્યો રોમાન્સ
એક રિપોર્ટ મુજબ, મહિલાએ તેના બાળકોને કારની બહાર રાહ જોવાનુ કહ્યુ અને પોતે કારનો દરવાજો બંધ કરી તેના બોયફ્રેન્ડ સાથે રોમાન્સ કરવા લાગી. આ ઘટનાનો એક વીડિયો પણ સામે આવ્યો છે. જેમાં કારની બહાર 5 વર્ષની નાની બાળકી પોતાના બે વર્ષના ભાઈ સાથે ઉભી છે. આ બંને બાળકો કારની અંદર જોવાના પ્રયાસ કરી રહ્યાં છે. આ દરમ્યાન બાળકો ખૂબ હેરાન અને પરેશાન જોવા મળી રહ્યાં છે.
મહિલા બાળકોને કરી રહી હતી ઈગ્નોર
આ જગ્યાએ હાજર રહેલા પ્રત્યક્ષદર્શીઓએ જણાવ્યું કે બાળકો કારની અંદર જોઈને પોતાની માતાને અંદર આવવા માટે પૂછી રહ્યાં છે. પરંતુ તેમની માતા બાળકોને ઈગ્નોર કરી રહી હતી. આ દરમ્યાન બાળકોએ કારનો દરવાજો ખોલવાનો પણ પ્રયાસ કર્યો, પરંતુ તેઓ ખોલવામાં અસમર્થ રહ્યાં. કારણકે દરવાજો અંદરથી લોક હતો.
પોલીસે મહિલા અને તેના બોયફ્રેન્ડની કરી ધરપકડ
આ દરમ્યાન પોલીસ ઘટનાસ્થળે પહોંચી. પોલીસે તે મહિલા અને તેના બોયફ્રેન્ડની ધરપકડ કરી. પોલીસને બાદમાં જાણવા મળ્યું કે આ વ્યક્તિ તેના બાળકોન પિતા નથી. ત્યારબાદ પૂછપરછમાં 28 વર્ષીય મહિલાએ જણાવ્યું કે તે આ શખ્સને થોડા દિવસ પહેલા જ મળી છે.