તુર્કીમાં કોલસાની ખાણમાં થયેલા પ્રચંડ બ્લાસ્ટમાં 22 લોકોના મોત થયા છે અને હજુ પણ ઘણા ખાણિયો ફસાયેલા છે. અધિકારીઓએ આ માહિતી આપી છે. હાલમાં ફસાયેલા કામદારોને બચાવવા માટે સર્ચ ઓપરેશન ચાલી રહ્યું છે.
તુર્કીમાં શુક્રવારે મોડી સાંજે એક ભયંકર દુર્ઘટના ઘટી. તુર્કીમાં કોલસાની ખાણમાં થયેલા પ્રચંડ વિસ્ફોટમાં ઓછામાં ઓછા 22 લોકોના મોત થયા છે અને હજુ પણ 50 જેટલા કામદારો ફસાયેલા હોવાની સંભાવના છે. અધિકારીઓએ જણાવ્યું કે, ખાણમાં ઉત્પાદિત મિથેન ગેસના કારણે આ દુર્ઘટના સર્જાઈ હશે. આ ઘટના તુર્કીના કાળા સાગર તટીય વિસ્તારની છે, જ્યાં રેસ્ક્યુ ટીમ ખાણમાં ફસાયેલા કામદારોને બચાવવા માટે સર્ચ ઓપરેશન ચલાવી રહી છે.
8 લોકોને સારવાર માટે ખસેડાયા
તુર્કીના સ્વાસ્થ્ય મંત્રી ફહાર્ટિન કોકાએ આ દુર્ઘટનાને તુર્કીની સૌથી મોટી ઘાતક ઔદ્યોગિક દુર્ઘટનાઓમાંથી એક ગણાવી અને કહ્યું કે ખાણમાંથી જીવતા નિકળ્યા બાદ આઠ લોકોને હોસ્પિટલમાં સારવાર માટે ખસેડવામાં આવ્યા છે. તો વળી આંતરિક મંત્રી સુલેમાન સોયલૂએ કહ્યું કે, આ ખાણમાં કુલ 110 લોકો કામ કરી રહ્યા હતા. તેમાંથી કેટલાક જાતે બહાર આવ્યા, તો કેટલાકને બચાવી લેવાયા આવ્યા છે. જ્યારે કેટલાક લોકોના મોત થયા છે.
4 Sahra Acil Müdahale Merkezi, 51 AMBULANS, 168 Ambulans personeli, 15 UMKE Timi, 67 UMKE personeli, göçük alanında dönüşümlü çalışan 22 görevli, bunlara ilave 44 çalışma arkadaşı… Ve sizin yüreğiniz Bartın’da. pic.twitter.com/0YaaiBxxZe
બ્લાસ્ટનું ચોક્કસ કારણ હજુ સુધી જાણવા મળ્યું નથી
એવું કહેવામાં આવી રહ્યું છે કે, લગભગ 50 ખાણિયાઓ જમીનની નીચે 300 થી 350 મીટર (985થી 1,150 ફૂટ) વચ્ચેના બે અલગ-અલગ વિસ્તારોમાં ફસાયેલા છે. બાર્ટિન પ્રાંતના અમસારા શહેરમાં ખાણમાં વિસ્ફોટ થયો હતો. બ્લાસ્ટનું ચોક્કસ કારણ હજુ સુધી જાણવા મળ્યું નથી. તુર્કીની ડિઝાસ્ટર મેનેજમેન્ટ એજન્સી એએફએડીએ જણાવ્યું કે, ઘટનાસ્થળે અનેક બચાવ ટીમો મોકલવામાં આવી છે.
રાષ્ટ્રપતિએ તમામ કાર્યક્રમો કર્યા રદ
તો વળી તુર્કીના રાષ્ટ્રપતિ રેસેપ તઈપ એર્દોગન (Recep Tayyip Erdogan)એ કહ્યું કે, તેઓ પોતાના આજે થનારા તમામ કાર્યક્રમો રદ કરી દેશે અને શનિવારે દુર્ઘટનાસ્થળે પહોંચશે. તેમણે આશા વ્યક્ત કરી છે કે કામદારોને જીવતા બહાર કાઢવા આવશે અને મૃતકોની સંખ્યામાં વધારો થશે નહીં. તેમણે કહ્યું કે, તેના માટે તમામ પ્રયાસો ચાલુ છે. તમને જણાવી દઈએ કે, આ બ્લાસ્ટ સૂર્યાસ્ત સમયે થયો અને અંધકારને કારણે બચાવ કામગીરીમાં મુશ્કેલીનો સામનો કરવો પડ્યો હતો.