મહારાષ્ટ્રમાં એક હ્રદયદ્રાવક ઘટના સામે આવી છે. જેમાં કેબમાં મુસાફરી કરી રહેલી મહિલાની 10 મહિનાની બાળકીને ચાલતી કેબમાંથી ફેંકી દેવામાં આવી હતી અને મહિલાની છેડતી પણ કરવામાં આવી હતી.
મહારાષ્ટ્રમાં એક હ્રદયદ્રાવક ઘટના સામે આવી છે
10 મહિનાની બાળકીને કેબમાંથી બહાર ફેંકી દીધી
કેબ ડ્રાઈવર અને કેબમાં રહેલ અન્ય લોકોએ મહિલાની છેડતી કરી
મહારાષ્ટ્રના પાલઘર જીલ્લામાં એક ચોંકાવનારી ઘટના સામે આવી છે. જ્યાં શનિવારે સવારે મુંબઈ-અમદાવાદ હાઈવે પર દસ મહિનાની બાળકીને કેબમાંથી ફેંકી દેવામાં આવી હતી. જ્યારે તેની માતાની છેડતી કરવામાં આવી હતી. બાળકીને કેબમાંથી બહાર ફેંકતા તેનું મોત નિપજવા પામ્યુ હતુ. ત્યારે પોલીસ અધિકારીના જણાવ્યુ અનુસાર, છેડતી કર્યા બાદ મહિલાને પણ વાહનમાંથી બહાર ધકેલી દેવામાં આવી હતી. જેના પગલે તેણીને પણ ગંભીત ઈજાઓ થઈ હતી.
કેબ ડ્રાઈવર અને કેબમાં રહેલ અન્ય લોકોએ મહિલાની છેડતી કરી
પોલીસના જણાવ્યુ અનુસાર મહિલા અને તેની પુત્રી કેબમાં પરત ફરી રહ્યા હતા અને કેબમાં અન્ય લોકો પણ મુસાફરી કરી રહ્યા હતા. તેઓએ કહ્યું કે રસ્તામાં કેબ ડ્રાઈવર અને કેબમાં રહેલ અન્ય લોકોએ મહિલાની છેડતી કરી હતી.
માંડવી પોલીસે ગુનો નોંધી કાર્યવાહિ હાથ ધરી છે
મહિલાએ પોલીસને જણાવ્યું કે જ્યારે તેણે વિરોધ કર્યો તો તેઓએ બાળકને છીનવી લીધું અને તેને કેબમાંથી બહાર ફેંકી દીધી. અધિકારીએ આ બાબતે જણાવ્યું કે બાળકીનું ઘટના સ્થળે જ મોત થયું હતું. જ્યારે મહિલાને સારવાર અર્થે હોસ્પિટલમાં દાખલ કરવામાં આવી હતી. ત્યારે આ બાબતે માંડવી પોલીસે ગુનો નોંધી કાર્યવાહિ હાથ ધરી છે.
સૂત્રો દ્વારા મળતી માહિતી મુજબ આરોપીની ઓળખ વિધિ થઈ ગઈ છે. તેનું નામ વિજય કુશવાહ છે. ત્યારે પોલીસે આઈપીસી કલમ 304 અને 354 મુજબ ગુનો નોંધી આગળની કાર્યવાહિ હાથ ધરી છે.