હત્યા / 1 વર્ષની માસૂમ બાળકીની ટોઈલેટમાં કરી દીધી હત્યા, 13 વર્ષનાં બાળકની ધરપકડ, કારણ જાણીને ચોંકી જશો

• 13 વર્ષના બાળકે કરી 1 વર્ષની બાળકીની હત્યા 
• બાળકીના પગમાં ઈંટ બાંધીને સ્કુલની ટાંકીમાં નાખી દીધી લાશ 
• પિતાના અપમાનનો બદલો લેવો હતો જેથી કરી હત્યા 

બાળકીના પગમાં બાંધી હતી ઈંટ 
લખનઉના સાયરાપુર પોલીસ સ્ટેશન વિસ્તારમાં 1 વર્ષની માસૂમ બાળકીની હત્યાના મામલે પોલીસે 13 વર્ષના માસૂમ બાળકની ધરપકડ કરી છે. પોલીસે જણાવ્યું કે સગીર તેના પિતાના અપમાનનો બદલો લેવા માંગતો હતો. જેથી તેણે ફિલ્મી સ્ટાઈલમાં બાળકીની હત્યા કરી સ્કૂલમાં પાણીની ટાંકીની અંદર મૂકી દીધી હતી.બાળકીની લાશ ઉપર આવી ન શકે એ માટે  આરોપી સગીરે તેના પગમાં ઈંટ બાંધી દીધી હતી.

બાળકી ગુમ થતા પરિવારે પોલીસ ફરિયાદ કરી 
જાણકારી અનુસાર સાયરાપુર પોલીસ સ્ટેશન વિસ્તારના જુગૌર ગામમાં સુશીલ પાંડેની એક વર્ષની દીકરી ઘરમાંથી ગુમ થઈ ગઈ હતી. સુશીલે પોલીસમાં ફરિયાદ નોંધાવી હતી. જે બાદ બાળકને શોધવા માટે સર્ચ ઓપરેશન શરૂ કરવામાં આવ્યું હતું. શોધખોળ દરમિયાન જાણવા મળ્યું હતું કે, બે સગીર છોકરાઓ બાળકીને પોતાની સાથે સ્કૂલ તરફ લઈ ગયા હતા. પોલીસે સ્કૂલમાં તપાસ કરતાં બાળકીની લાશ ટોઇલેટમાં પાણીની ટાંકીની અંદર પડેલી મળી આવી હતી. બાળકના પગમાં ઈંટ બાંધેલી હતી અને તેના શરીર પર કપડાં પણ નહોતા. પોલીસે લાશને પાણીની ટાંકીમાંથી કાઢી પોસ્ટ મોર્ટમ માટે મોકલી દીધી હતી અને સમગ્ર કેસ કલાકોની તપાસ બાદ આ કેસનો ખુલાસો થયો હતો. પોલીસના જણાવ્યા અનુસાર 13 વર્ષના સગીરે માસૂમ બાળકીની હત્યા કરી નાખી હતી.

પિતાના અપમાનનો બદલો લેવા કર્યું ખૂન
પોલીસના જણાવ્યા પ્રમાણે હત્યા કરનાર બાળક નશાખોર છે અને તે અવારનવાર લોકોને હેરાન કરે છે. તેણે ઘણી વખત પરિવારને ફરિયાદ પણ કરી છે. ડીસીપી નોર્થ ઝોન એસ.ચિનપ્પાના જણાવ્યા અનુસાર, બાળકીની હત્યાનો કેસ નોંધવામાં આવ્યો છે. આરોપી સગીરે પિતાના અપમાનનો બદલો લેવા માટે બાળકીની હત્યા કરી હતી અને હાલ તેની પૂછપરછ ચાલુ છે અને ટૂંક સમયમાં જ તેને જુવેનાઇલ જસ્ટિસ બોર્ડ સમક્ષ રજૂ કરવામાં આવશે.