હત્યા / અમદાવાદમાં યુવકે એકલી રહેતી વિધવાની કુહાડીના ઘા મારી હત્યા કરી, બે મિત્રોનો સાથ લઈ મૃતદેહને કુવામાં ફેંક્યો

• વિધવા મહિલાનો દુપટ્ટો કુવાની ઝાડીમાં લટકેલો હતોને હત્યાનો પર્દાફાશ થયો
• બે યુવકોએ મહિલાના માથામાં કુહાડીમાં મારીને લાશ કુવામાં ફેંકી દીધી
• મહિલાના સંબધી સવારે ઘરે આવ્યા ત્યારે લોહીના નિશાન જોતા મામલો સામે આવ્યો 

અમદાવાદના અસલાલી વિસ્તારમાં આવેલા પાંચ વિધા ખેતરમાં એકલી રહેતી શોભના ચુનારાની કરપીણ હત્યા કરવામાં આવી છે. ગઇકાલે શોભના ચુનારાના ઘરે તેના સંબધી આવ્યા હતા જેમા તેમને ઘરનો દરવાજો ખોલ્યો તો લોહીના નિશાન હતા. કંઇક અનિચ્છનીય બનાવ બન્યો છે તેવુ લાગતા સંબધીએ તરત જ તેના પરિવારને જાણ કરી હતી અને પોલીસને જાણ કરી હતી. ખેતરોમાં એકલી રહેતી શોભાનના ઘરે લોહી હોવાની વાત જાણીને પોલીસ તેમજ પરિવારજનો દોડી આવ્યા હતા અને તપાસ શરુ કરી હતી.

ઝાડીમાં દુપટ્ટો મળી આવ્યા બાદ કુવામાંથી મળી લાશ

પોલીસ તેમજ પરિવારજનોએ અલગ અલગ વિસ્તારમાં શોધખોળ શરુ કરી પરંતુ તેનો કોઇ પત્તો લાગ્યો નહીં જોકે થોડાક સમય બાદ એક કુવા પાસે ઉગેલી ઝાંડીમાં દુપટ્ટો લટકતો પોલીસ અને પરિવારજનોને નજરે પડ્યો હતો. આ દુપટ્ટો બીજા કોઇનો નહી પરંતુ શોભનાનો હતો જેથી પોલીસ અને પરિવારના લોકો ત્યા દોડી ગયા હતા. કુવો ઉંડો હતો જેથી તેમા કંઇ દેખાયુ નહી જેથી પોલીસે તેમના માણસો નીચે ઉતારતા શોભનાની લોહીથી લથપથ હાલતમાં લાશ મળી આવી હતી.

ચોરી કરનાર યુવક અને તેના મિત્રએ મળીને કરી હત્યા

પોલીસને હત્યાનો ગુનો દાખલ કરીને તપાસ શરુ કરી જેમાં તેમને ખબર પડીકે નજીકમાં રહેતો એક યુવકે શોભનના ખેતરમાં ઘઉં અને સ્પીકરની ચોરી કરી હતી જેમાં તેની બબાલ પણ થઇ હતી. પોલીસે તે યુવકની અટકાયત કરીને આકરી પુછપરછ કરી તો તેને અન્ય એક યુવક સાથે મળીને હત્યા કરી હોવાની કબુલાત કરી હતી. ચોરી કરનાર યુવક અને તેનો મિત્રએ મોડીરાત્રે શોભનાના માથામાં કુહાડીના ઘા ઝીંકીને હત્યા કરી હતી અને લાશનો નિકાલ કરવા માટે કુવામાં નાખવાનું નક્કી કર્યુ હતું. બન્ને યુવકોથી લાશનો નિકાલ નહી થતા તેને અન્ય એક યુવકને બોલાવ્યો હતો. ત્રણેય જણાએ ભેગા થઇને ખાટલાના ગોદળા સહિત શોભનાની લાશને ઉચકીને કુવામાં ફેંકી દીધી હતી. પોલીસે ત્રણેય યુવકોની અટકાયત કરીને તપાસ શરુ કરી છે.