રાવલપિંડી એક્સપ્રેસ તરીકે જાણીતા પાકિસ્તાનના પૂર્વ ફાસ્ટ બોલર શોએબ અખ્તરે થોડાં દિવસ પહેલાં જ ભારત-પાકિસ્તાન વચ્ચે મેચનું આયોજન કરીને કોરોના સામેની જંગ માટે ફંડ એકઠું કરવાનો પ્રસ્તાવ મૂક્યો હતો, જે બાદથી તે ચર્ચામાં છે. આ દરમિયાન હાલમાં જ શોએબ અખ્તરનો એક વીડિયો વાયરલ થઈ રહ્યો છે. જેના કારણે તેને સોશિયલ મીડિયા પર ખૂબ ટ્રોલ કરવામાં આવી રહ્યો છે.
લોકડાઉન હોવા છતાં આ ક્રિકેટર સાઈકલ ચલાવતા જોવા મળ્યો
યુઝર્સે આવું કરવા પર કર્યો ટ્રોલ
સોશિયલ મીડિયા પર વીડિયો થઈ રહ્યો છે વાયરલ
તમને જણાવી દઈએ કે, લોકડાઉનમાં શોએબનો સાઈકલ ચલાવતો વીડિયો જોવા મળી રહ્યો છે. જે જગ્યાએ તે સાઈકલ ચલાવી રહ્યો છે તે ઈસ્લામાબાદનો રેડ ઝોન છે. શોએબ પહેલાં પોતે લોકોને કોવિડ-19 ના ખતરાને ધ્યાનમાં રાખી લોકોને ઘરોમાં રહેવાની સલાહ આપી રહ્યો છે, પરંતુ હવે શોએબ પોતે ઘરની બહાર કોઈ માસ્ક વિના અને અન્ય કોઈ પ્રોટેક્ટિવ ગિયર, હેલ્મેટ વિના રસ્તા પર સાઈકલ ચલાવતા જોવા મળ્યો, જેથી સોશિયલ મીડિયા પર યુઝર્સ તેને ખૂબ ટ્રોલ કરી રહ્યા છે.
તે જે વિસ્તાર સાઈકલ ચલાવતો જોવા મળ્યો હતો તે એવાન-એ-સદર છે. અહીં રાષ્ટ્રપતિ નિવાસ, પીએમ હાઉસ, સુપ્રીમ કોર્ટ, પીએમ સચિવાલય, રાષ્ટ્રીય વિધાનસભા, સેનેટ, વિદેશ વિભાગ અને ડિપ્લોમેટિક એન્ક્લેવ સ્થિત છે.
શોએબની આ હરકતથી નારાજ એક યુઝરે સોશિયલ મીડિયા પર કહ્યું, શોએબ ભાઈ, તમે લોકોને ઘરમાં રહેવાની સલાહ આપી રહ્યા છો અને પોતે મેન રોડ પર સાઈકલ ચલાવી રહ્યાં છો. જ્યારે બીજા યુઝરે કહ્યું-તે સાઈકલ ચલાવી રહ્યો છે અને આજુબાજુ જોઈ રહ્યા છે. આ વધુ જોખમી છે. આવું કરવાથી તમે વાયરસની ચપેટમાં આવી શકો છો અને આવી બેદરકારીને કારણે માર્ગ અકસ્માતનો ભોગ પણણ બની શકો છો.
અન્ય એક યુઝરે શોએબને ટ્રોલ કરતા કહ્યું- શોએબની આવી હરકતને જોઈને તેના ફેન્સ પણ આવું કરી શકે છે. પોતાના વાહનો લઈને નીકળી શકે છે. આવા સંકટ સમયે જ્યારે સરકારે લોકડાઉન જાહેર કર્યું છે, ત્યારે આવું કરવું યોગ્ય નથી.