પાકિસ્તાનના ભૂતપૂર્વ ઝડપી બોલર શોએબ અખ્તરે ફરી એક વાર વિરેન્દ્ર સહેવાગના દાવાને ફગાવી દીધો છે. સહેવાગે દાવો કર્યો હતો કે 2003ની વર્લ્ડ કપ મેચ દરમિયાન તેણે પાકિસ્તાની બોલરને ખરી-ખોટી સંભળાવી દીધું હતું.
સહેવાગે અખ્તરને કહ્યું કે 'બાપ-બાપ હોતા હૈ, બેટા બેટા હોતા હૈ'. વીરુએ કહ્યું હતું કે, પાકિસ્તાની બોલર જ્યારે તેમને હૂક શોટ માટે વારંવાર ઉશ્કેરતા હતા ત્યારે તેમણે અખ્તરને આ વાત કહી હતી.
સહેવાગે કહ્યું હતું કે તેણે અખ્તરને કહ્યું હતું કે જો તેણે સચિન તેંડુલકરને પૂછ તો તે બીજા છેડે બેટિંગ કરી રહ્યો છે તે હૂક શૉટ રમીને બતાવે. સેહવાગે કથિત રીતે અખ્તરને કહ્યું હતું કે એ તારો બાપ ઊભો છે સામે નોન સ્ટ્રાઈકિંગ ઍન્ડ પ, તેને કહીને બતાવ તે મારીને બતાવશે.
ઉલ્લેખનીય છે કે સચિન તેંડુલકર જ્યારે 98 રન બનાવીને રમી રહ્યો હતો ત્યારે અખ્તરે જ તેને આઉટ કર્યો હતો.
પરંતુ અખ્તરે સેહવાગના દાવાઓને નકારી કાઢતા કહ્યું કે આવી ઘટના ક્યારેય નહોતી બની. પાકિસ્તાનના પત્રકાર દ્વારા વિશ્વના સૌથી ઝડપી બોલર અખ્તરને આ વિશે સવાલ કરવામાં આવ્યો હતો.
Question: Sehwag said something to you about Tendulkar, (referring to the Beta beta hota hai, baap baap hota hai story)
Shoaib Akhtar "Would he survive after saying something like that to me? Would I leave him? I would beat him up at the ground and then at the hotel"#Cricket
પત્રકારે સવાલ પૂછ્યો, "સેહવાગે તમને તેંડુલકર વિશે કંઈક કહ્યું હતું (બેટા બેટા હોતા હૈ, બાપ બાપ હોતા હૈ)." શોએબ અખ્તરે જવાબ આપ્યો, 'મારા જેવા વ્યક્તિને આવું બોલ્યા પછી શું તે બચી ગયો હોત? શું મે તેને છોડ્યો હોત? તેની મેદાન પર જ પિટાઈ કરી દીધી હોત અને પછી હોટલમાં પણ ધોયો હોત.