ઓસ્ટ્રેલિયન ઓલરાઉન્ડર માર્કસ સ્ટોઈનિસે ધ હન્ડ્રેડ ટુર્નામેન્ટમાં એક મેચ દરમ્યાન પાકિસ્તાનના ફાસ્ટ બોલર મોહમ્મદ હસનૈનની બોલિંગ એક્શન પર સવાલ ઉઠાવ્યા હતા. સ્ટોઈનિસે હાથથી ઈશારો કરી ચકિંગનો સંકેત આપ્યો હતો. જેના પર પૂર્વ ફાસ્ટ બોલર શોએબ અખ્તરે સ્ટોઈનિસ અને આઈસીસીને આડે હાથ લીધા.
ઓસ્ટ્રેલિયન ઓલરાઉન્ડર માર્કસ સ્ટોઈનિસ પર ભડક્યા શોએબ અખ્તર
સ્ટોઈનિસે એક મેચમાં હાથથી ઈશારો કરી ચકિંગનો સંકેત આપ્યો હતો
શોએબ અખ્તરે સ્ટોઈનિસ અને આઈસીસીને આડે હાથ લીધા
સ્ટોનિસે મોહમ્મદ હસનૈનની બોલિંગ એક્શન પર સવાલ ઉઠાવ્યાં
અખ્તરે કહ્યું કે આવી હરકત કરવાની સ્ટોઈનિસની હિંંમત કેવીરીતે થઈ. આ આખો મામલો સ્ટોઈનિસ અને પાકિસ્તાનના ફાસ્ટ બોલર મોહમ્મદ હસનૈનની વચ્ચેનો છે. આ બંને સ્ટાર ખેલાડીઓ હાલમાં ઈંગ્લેન્ડની 100 બોલની ટુર્નામેન્ટ ધ હન્ડ્રેડમાં રમી રહ્યાં છે. આ દરમ્યાન બંનેની વચ્ચે સ્ટોનિસે હસનૈનની એક્શન પર સવાલ ઉઠાવ્યાં. મહત્વનું છે કે ધ હન્ડ્રેડ ટુર્નામેન્ટમાં રવિવારે રમાયેલી મેચમાં ઓવલ ઈન્વિંસિબલે સદર્ન બ્રેવ ટીમને 7 વિકેટથી હરાવી. આ દરમ્યાન સદર્ન ટીમ માટે રમી રહેલા સ્ટોઈનિસને ઓવલ ટીમના હસનૈને કેચ આઉટ કરાવ્યો હતો. સ્ટોઈનિસ 37 રન બનાવી આઉટ થયો હતો.
આઉટ થતાં સ્ટોઈનિસે કર્યો હતો ઈશારો
આ વાતથી નારાજ થતાં સ્ટોઈનિસ પેવેલિયન તરફ ફર્યો અને જતા સમયે હાથથી ઈશારો કર્યો. જેમકે તે કહેવા ઈચ્છી રહ્યો હતો કે હસનૈને ચકિંગ કરી છે. સ્ટોઈનિસની આ હરકતનો વીડિયો પણ વાયરલ થયો. ત્યારબાદ ક્રિકેટ પ્રેમીઓએ તેની ખૂબ ટીકા કરી. આ દરમ્યાન શોએબ અખ્તરે ટ્વિટ કરતા કહ્યું કે હસનૈનની એક્શન પર સવાલ ઉઠાવવાની સ્ટોઈનિસની હિંમત કેવીરીતે થઇ.
શોએબ અખ્તરે ટ્વવિટમાં લખ્યું, ધ હન્ડ્રેડ ટુર્નામેન્ટ દરમ્યાન માર્કસ સ્ટોઇનિસે મોહમ્મદ હસનૈનની બોલિંગ એકશનને લઇને જે કઈ પણ કર્યુ, તે ખૂબ શરમજનક રહ્યું. આ પ્રકારની વસ્તુઓ કરવાની તમારી હિંમત કેવીરીતે થઇ? નિશ્ચિત રીતે આઈસીસીએ આ મામલે મૌન સેવ્યું છે. જો કોઈ બોલરને બોલિંગ એક્શનને લઇને મંજૂરી માંગી છે, તો પછી કોઈ પણ ખેલાડીએ તેની એક્શન પર સવાલ ઉઠાવવાની હિંમત ના કરવી જોઈએ.
Shameful gesture by @MStoinis regarding bowling action of @MHasnainPak during #TheHundred2022 . How dare you do such things?? Ofcourse @ICC stays quiet about them.
No player should be allowed to do such things if someone's been cleared already. pic.twitter.com/5idGdBqcUf