NMACC લોન્ચ ઇવેન્ટ પર જ્યારે આકાશ અને શ્લોકા મીડિયા સામે આવ્યા ત્યારે શ્લોકા મહેતા અંબાણી એક સુંદર સાડીમાં જોવા મળી, તેનું બેબી બમ્પ પણ દેખાઇ રહ્યું હતું, જુઓ વીડિયો
અંબાણી પરિવારમાં ખુશીઓનો માહોલ
તાજેતરમાં જ દીકરી ઇશાએ આપ્યો ટ્વિન્સ બાળકોને જન્મ
પૃથ્વી અંબાણી બાદ ફરી આકાશ અને શ્લોકા બનશે બીજા બાળકના માતા-પિતા
Shloka Ambani Pregnant:મુકેશ અંબાણી અને નીતા અંબાણીના ઘરે એક પછી એક વાર પારણુ બંધાવાનાં એંધાણ છે. થોડા સમય પહેલા જ તેમની દીકરી ઈશા અંબાણીએ ટ્વિન્સ બાળકોને જન્મ આપ્યો, ત્યારબાદ પરિવારના સૌથી નાના દીકરા અનંત અંબાણીની સગાઈ રાધિકા મર્ચન્ટ સાથે થઈ અને હવે આકાશ અંબાણી અને શ્લોકા અંબાણી બીજી વખત માતા-પિતા બનવા જઈ રહ્યા છે.
NMACC લોન્ચ ઇવેન્ટ પર જ્યારે આકાશ અને શ્લોકા મીડિયા સામે આવ્યા ત્યારે શ્લોકા મહેતા અંબાણી એક સુંદર સાડીમાં જોવા મળી હતી. આ સાડીમાં તેનું બેબી બમ્પ પણ દેખાઇ રહ્યું હતું. આ પહેલી વખત હતું જ્યારે આકાશ અંબાણી અને શ્લોકા મહેતા મીડિયા સામે આવ્યા હોય. શ્લોકા મહેતાની આ તસવીરો અને વિડીયો સોશિયલ મીડિયા પર વાયરલ થઇ રહ્યો છે. પૃથ્વી અંબાણી(આકાશ અને શ્લોકાનો પહેલુ બાળક) પછી પરિવારમાં વધુ એક નાનકડું મહેમાન આવવા જઈ રહ્યું છે.
બીજીવાર માતા બનવાની છે મુકેશ અંબાણીની વહુ શ્લોકા
મુકેશ અંબાણી અને નીતા અંબાણીની મોટી વહુ શ્લોકા મહેતા ફરીવાર પ્રેગ્નેન્ટ છે. તે ટૂંક સમયમાં પોતાના બીજા બાળકને જન્મ આપશે. તાજેતરમાં જ મુંબઈમાં યોજાયેલી અંબાણી પરિવાર દ્વારા આયોજિત ઇવેન્ટમાં શ્લોકા મહેતા બેબી બમ્પ ફ્લોન્ટ કરતી જોવા મળી હતી.
પ્રેગ્નેન્ટ શ્લોકા મહેતાના NMACC Launchમાં ફ્લોન્ટ કર્યો બેબી બંપ
વાયરલ થયેલી તસવીરો અને વીડિયોમાં જોઈ શકાય છે કે આકાશ અંબાણી લીલા કલરના કુર્તામાં છે અને તેની સાથે પત્ની શ્લોકા અંબાણી સુંદર સાડીમાં જોવા મળી રહી છે. શ્લોકાએ સાડી સાથે ભારે જ્વેલરી પહેરી છે. આ સાથે જ તેનું બેબી બમ્પ ફ્લોન્ટ થઇ રહ્યું છે. મહત્વનું છે કે NMACC ઈવેન્ટમાં દેશના જાણીતા ઉદ્યોગપતિઓ, કલાકારો અને રાજકીય ક્ષેત્રની દિગ્ગજ હસ્તીઓએ હાજરી આપી હતી. આ સમયે બધાની નજર અંબાણી પરિવારના સભ્યો પર અટકી હતી.