હાથરસ મુદ્દે સાંસદ પ્રિયંકા ચતુર્વેદીએ અભિનેત્રી કંગનાને આડેહાથ લીધી છે. પ્રિયંકા ચતુર્વેદીએ કહ્યું કે કંગના જે રીતે થોડા સમય પહેલા મુંબઇ પોલિસને કોસી રહી હતી અને મહારાષ્ટ્ર સરકાર વિશે નિવેદન આપી રહી હતી હવે હાથરસ ગેંગરેપ પર તેના મોઢામાં દહીં જામી ગયુ છે ?
પ્રિયંકા ચતુર્વેદીએ કંગનાને લીધી આડેહાથ
Y+ સિક્યોરીટી આપવા પર ઉઠાવ્યા સવાલ
ઝાંસીની રાણી અને ઝાંસાની રાણીમાં ફર્ક છે
તમને જણાવી દઇએ કે, અભિનેત્રી કંગના રનૌત અને મહારાષ્ટ્ર સરકાર વચ્ચે અભિનેતા સુશાંત સિંહ રાજપૂતની આત્મહત્યાને લઇને ટ્વિટર વૉર ચાલ્યુ હતુ. બાદમાં કંગનાની ઓફિસ પર કાર્યવાહી કરવામાં આવી હતી. જે બાદ કંગનાને Y+ સુરક્ષા પણ આપવામાં આવી હતી.
કંગનાએ 30 તારીખે લખ્યુ હતુ કે, યોગી સરકાર પર ભરોસો છે અને પીડિતાને જલ્દી જ ન્યાય મળશે. તો બીજી તરફ પ્રિયંકાએ ટ્વિટ કરતા જણાવ્યુ હતુ કે, દિવસ રાત મહારાષ્ટ્રને અને મુંબઇ પોલિસને કોસનાર કંગનાના મોઢામાં હવે દહીં જામી ગયુ છે કે શું?
दिन रात मुंबई पुलिस को कोसने के लिए जिनको Y+ security से नवाज़ा गया, जो ‘महिलाओं’ की ‘बुलंद आवाज़’ बनकर, मुख्यमंत्री और राज्य के बारे में आपत्तिजनक बयानबाज़ी कर रहीं थी, मीडिया की चहिति थी, उनके मुँह में दही जम गया है क्या? उनका कोई ट्वीट भी नहीं दिख रहा हाथरस के मुद्दे पर।
બીજા એક ટ્વિટમાં પ્રિયંકા ચતુર્વેદીએ કહ્યું કે, ઝાંસીની વીર રાણી અને ઝાંસાઓની એકમાત્ર રાણીમાં જમીન-આકાશનો ફર્ક હોય છે, કદાચ લોકોને હવે આ સમજમાં આવી ગયુ હશે.
શનિવારે શિવસેનાના મુખપત્ર સામનામાં પણ હાથરસ મુદ્દે યુપી સરકારની આલોચના કરવામાં આવી હતી.