નિવેદન / ધારાસભ્યોને પોતાની સાથે જોડવા BJP કેન્દ્રીય એજન્સી અને ગુનેગારોનો લઇ રહી છે સહારો : શિવસેના

• મહારાષ્ટ્રમાં વિવાદ વચ્ચે શિવસેનાએ બીજેપી પર લગાવ્યા ગંભીર આરોપ
• શિવસેના સાંસદ સંજય રાઉતે કહ્યું, ચૂંટણી પરિણામ બાદથી અમિત શાહની ચૂપ્પી 'રહસ્મય' 
• બીજેપી પર ધારાસભ્યોને પોતાની સાથે જોડાવા ગુંડાઓનો ઉપયોગ કરવાનો લગાવ્યો આરોપ

આ આરોપો સાથે રાઉતે એમ પણ કહ્યું કે જો બીજેપી નથી માનતી તો મહારાષ્ટ્રમાં શિવસેનાનો મુખ્યમંત્રી હશે કેમકે પ્રદેશના 170થી વધારે ધારાસભ્ય અમારી સાથે છે. મીડિયા સાથે વાત કરતા રાઉતે કહ્યું કે મહારાષ્ટ્રના ધારાસભ્યોને પોતાની સાથે જોડવા માટે બીજેપી કેન્દ્રીય એજન્સીઓ, ગુનેગારો અને અન્ય સંસાધનોનો ઉપયોગ કરી રહી છે. જ્યારે બીજેપી અધ્યક્ષ અમિત શાહ 24 ઓક્ટોબરથી જે રીતે ચૂપ્પી સાધી છે, તેના પર રહસ્ય ઘેરાઇ રહ્યું છે. 

રાઉતે કહ્યું કે તે જલ્દી જ આ વાતનો ખુલાસો કરશે કે કેવી રીતે બીજેપી ગુનેગારો અને કેન્દ્રીય એજન્સીઓનો ઉપયોગ ધારાસભ્યોને પક્ષમાં કરવા માટે કરી રહી છે. 

શિવાજી પાર્કમાં શપથ લેશે શિવસેનાનો સીએમ 

હાલના આખા ઘટનાક્રમ પર વાતચીત કરતા સંજય રાઉતે કહ્યું કે મને જાણકારી મળી છે કે શપથગ્રહણ માટે ગેસ્ટ હાઉસ, વાનખેડે સ્ટેડિયમ, મહાલક્ષ્મી રેસકોર્સ બુક કરવામાં આવ્યા છે. પરંતુ બીજેપીએ હજુ સુધી સરકાર બનાવવાનો દાવો કેમ નથી કર્યો ? એમણે કહ્યું કે શિવસેનાના એક મુખ્યમંત્રી મુંબઇના દાદર ક્ષેત્રમાં શપથ લેશે. અને દાવો કર્યો કે તેમની પાર્ટીને 170થી વધારે ધારાસભ્યોનું સમર્થન મળશે.