મહારાષ્ટ્રમાં લાગુ થયેલા રાષ્ટ્રપિત શાસનની વચ્ચે શિવેસના, કોંગ્રેસ અને NCP તરફથી સરકાર બનાવવાની કોશિશ ચાલી રહી છે. ગુરુવારે ત્રણેય પાર્ટીઓના નેતાઓની બેઠક થઈ. આ બાદ પ્રથમ વખત એકસાથે ત્રણેય પાર્ટીઓના નેતાઓએ પ્રેસ કોન્ફરન્સ કરી. શિવસેનાના નેતા એકનાથ શિંદેએ કહ્યું કે આ બેઠકમાં કોમન મિનિમમ પ્રોગ્રામ (CMP) વાત થઈ અને ડ્રાફ્ટ હવે તૈયાર છે. જેને હવે ત્રણેય પાર્ટીઓના અધ્યક્ષ પાસે મોકલવામાં આવશે.
જ્યારે કોંગ્રેસ તરફથી પૃથ્વીરાજ ચવ્હાણે કહ્યું કે 2 દિવસ સુધી અમારી વાતચીત ચાલી છે. ડ્રાફ્ટમાં શું છે તેનો ખુલાસો અમે હાલ પૂરતો નહીં કરી શકીએ. તો બીજી બાજુ એનસીપી તરફથી છગન ભુજબળે કહ્યું કે ખેડૂતો, બેરોજગારી, અલ્પસંખ્યક, SC, OBC, મહિલા સશક્તિકરણ સંબંધિત મુદ્દાઓ ડ્રાફ્ટમાં છે. જરૂર પડશે ત્યારે તેમાં બદલાવ પણ થઈ શકશે.
Shiv Sena leader Eknath Shinde after Congress,Shiv Sena&NCP joint meeting today: Common Minimum Programme was discussed in the meeting,a draft has been prepared. The draft will be sent to high command of three parties for discussion, final decision will be taken by high commands. https://t.co/6eeotDpAwbpic.twitter.com/NXbU0Fpxp1
શિવસેનાના નેતા એકનાથ શિંદેએ કહ્યું કે બીજી વખત ચૂંટણી ન થાય એટલે અમે કોમન મિનિમમ પ્રોગ્રામ બનાવ્યો છે જેને અમે આગળ લઈ જઈશું. જેમ કે મહારાષ્ટ્રમાં શરદ પવાર છે, અમારા દિલ્હીમાં પણ નેતાઓ છે અને અમારા ઉદ્ધવ ઠાકરે પણ છે. આ તમામ જલ્દીથી આગળ આવશે અને ખેડૂતોના હિતમાં નિર્ણય લેશે. તેમણે આગળ કહ્યું કે મહારાષ્ટ્રની 12 કરોડ જનતાને ન્યાય આપવા માત્ર અમારા માટે નહીં પરંતુ ખેડૂતોથી લઈને બેરોજગારો સુધી મહારાષ્ટ્રને સરકારની જરૂરિયા છે. અમે આ દિશામાં હવે આગળ વધી રહ્યાં છીએ.
NCP નેતા છગન ભુજબળે કહ્યું કે અમારા નેતાઓના આદેશથી અમે આ બેઠક બોલાવી હતી અને બે દિવસથી તે ચાલી રહી હતી. તમામ વર્ગ માટે આ કૉમન મિનિમમ પ્રોગ્રામ અમે નક્કી કર્યો છે જેના પર અમે આગળ ચાલીશું. હાલમાં મહારાષ્ટ્ર એક અલગ સ્થિતિમાં અટક્યું છે અને એટલે જલ્દીથી જલ્દી સરકાર બનાવવાની અમારી પ્રાયોરિટી રહેશે. જરૂર પડી તો અમારા જે તમામ વરિષ્ઠ નેતા છે તે શરદ પવાર અને બાકીના નેતાઓ એકસાથે મળી શકે છે. અમે ત્રણ સાથે આવ્યા તેનાથી જ નક્કી થઈ ગયું છે કે અમે સરકાર બનાવી રહ્યાં છીએ.