શિવસેનાના નેતા સંજય રાઉત અત્યારે પોતાની દીકરી પૂર્વશીના લગ્નમાં વ્યસ્ત છે. એવામાં તેમના ઘરે સતત લગ્નના કાર્યક્રમ અને વિધિ ચાલુ છે. આ દરમ્યાન કાર્યક્રમનો એક વીડિયો પણ સામે આવ્યો છે. જેમાં રાઉત ખુશ થઇને ડાન્સ કરી રહ્યાં છે.
સંજય રાઉતની દીકરીના સંગીત સમારોહનો વીડિયો વાયરલ
રાઉત એનસીપી સાંસદ સુપ્રિયા સુલે સાથે કરી રહ્યાં છે ડાન્સ
વીડિયોમાં ડાન્સ કરતા રાઉતના ચહેરા પર દેખાયો આનંદ
આ વીડિયો રાઉતની દીકરીના સંગીત સમારોહનો
આ વીડિયો રવિવારે યોજાયેલ રાઉતની દીકરીના સંગીત સમારોહનો છે. જેમાં ખાસ વાત એ છે કે રાઉતની સાથે એનસીપીની સાંસદ સુપ્રિયા સુલે પણ ડાન્સ કરી રહી છે. આ વીડિયો સોશિયલ મીડિયામાં ખૂબ વાયરલ થઇ રહ્યો છે. ઉલ્લેખનીય છે કે, પોતાના તીખા નિવેદનોને પગલે ચર્ચામાં રહેતા રાઉતની છબી એક ગંભીર નેતાની માનવામાં આવે છે. એવામાં તેમનો આ વીડિયો જોઈને ઘણાં લોકો હેરાન પણ છે.
રાઉત અને NCP સાંસદ સુપ્રિયા સુલે કરી રહ્યાં છે ડાન્સ
રાઉત અને સુપ્રિયા સુલે 'લેંબર્ગિની ચલાઈ જાને હો' પર ડાન્સ કરી રહ્યાં છે. તેમની થોડી ક્ષણો બાદ રાઉતની પત્ની વર્ષા અને સુપ્રિયાના પતિ પણ તેમની સાથે આવીને ડાન્સ કરી રહ્યાં છે. વીડિયોમાં ડાન્સ કરી રહેલા રાઉતના ચહેરા પર સ્પષ્ટ ખુશી જોવા મળે છે. ઉલ્લેખનીય છે કે, સુપિયા સુલેએ ઈન્સ્ટાગ્રામ દ્વારા પણ પૂર્વશીના લગ્નની શુભેચ્છા આપી છે.