ગુજરાતમાં એવા ઘણા બીચ આવેલા છે જે ફોરેનને પણ ટક્કર આપે છે
ફરવા જવું હોય તો આ બીચ પર જાઓ
ગુજરાતનો શિવરાજ પુર બીચ છે બેસ્ટ
દ્વારકાથી માત્ર 11.6 કિમી દૂર
ભારતમાં સૌથી મોટો દરિયા કિનારો ગુજરાત પાસે છે. જે લગભગ 400 કિમિ સુધી ફેલાયેલો છે. ગુજરાતમાં એવા ઘણા બીચ આવેલા છે જે ફોરેનને પણ ટક્કર આપે છે. તેમાંથી એક છે શિવરાજ પુર બીચ. જે દ્વારકાથી માત્ર 11.6 કિમી દૂર આવેલો છે અને ત્યાં પહોંચતા 20 મિનિટ કરતા પણ ઓછો સમય લાગે છે. આ બીચની ખાસિયત એ છે કે ત્યાનું પાણી કાચ કરતા પણ ચોખ્ખુ છે. માટે ત્યાં ફરવા જવામાં જલસો પડી જશે.
ફોરેન જેવો બીચ
આ દરિયા કિનારે ફરવા જઓ તો તમને ફોરેનમાં અથવા તો ગોવાના કોઈ બીચ પર ફરતા હોવ તેવી ફિલિંગ આવશે. આ બીચની સુંદરતા એટલી અદભૂત છે કે તમને ત્યાંથી પરત આવવાનું મન જ નહીં થાય. અહીં દરિયાનું પાણી ખૂબ જ ચોખ્ખુ છે.
આ બીચ પર વધારે ભીડ તમને નહીં જોવા મળે. તેનું કારણ કદાચ એ પણ હોઈ શકે કે અહીં દૂર દૂર સુધી માનવ વસ્તીનો વસવાટ નથી.
એડવેન્ચરના શોખીનો માટે ખાસ
આ બીચ શિવરાજપુર ગામની નજીક આવેલો છે. જેની પાસે દીવાદાંડી અને ખડકાળ કિનારા પણ છે. જો તમે બીચ પર જાઓ તો અહીં આવેલી દીવાદાંડી જોવાનું ચુકતા નહીં. અહીં દૂર દેશથી આવતા પક્ષીઓ આકર્ષણનું કેન્દ્ર છે.
આ ઉપરાંત એડવેન્ચર શોખીનો પણ શિવરાજપુર બીચ પર જતા હોય છે. પાછલા થોડા વર્ષોથી આ બીચ પર એડવેન્ચર એક્ટિવીટીઝ પણ કરવામાં આવે છે જેના કારણે ટૂરિસ્ટો માટે આ બીચ ખૂબ પોપ્યુલર બન્યો છે. વોટર સ્પોર્ટ્સના શોખીનો આ બીચ પર ખૂબ જાય છે. આ ઉપરાંત અહીં ભીડ ન હાવાના કારણે તમે શાંતિમાં સમય પસાર કરી શકો છો.