રાજકારણ / BJPના વધુ એક CMને ખુરશી જવાનો ડર? અમિત શાહે કહ્યું એવું કે ઊડી ગઈ ઊંઘ, તાબડતોબ કરી મેરેથોન મીટિંગ

• મધ્યપ્રદેશમાં શિવરાજસિંહ સરકાર એકશન મોડમાં 
• અમિતશાહે આપેલા નિવેદન બાદ મેરેથોન બેઠકો વધી 
• રાજ્યપાલ સાથે મુખ્યમંત્રી શિવરાજસિંહે લીધી મુલાકાત 

ઉત્તરાખંડ કર્ણાટક અને ગુજરાતમાં મુખ્યમંત્રી બદલ્યા બાદ હવે ભાજપના નેતાઓને એ સંદેશો મળી ચુક્યો છે કે કામ નહી કરો તો વિદાય લેવી પડશે. મધ્યપ્રદેશમાં હાલ શિવરાજસિંહ ચૌહાણ સૌથી મોટા નેતા છે. અંદાજે તેઓ 10 વર્ષથી મુખ્યમંત્રી પદ સંભાળી રહ્યા છે. જોકે હાલ શિવરાજ સિંહ ચોહાણના માથે પણ ચીંતાના વાદળો છવાયેલા છે. 

અમિતશાહે બધાની સામે સાંસદ રાકેશ સિંહના વખાણ કર્યા 

ગૃહમંત્રી અમિતશાહે હાલમાંજ શિવરાજસિંહની સામે ભાજપ સાસંદ રાકેશ સિંહના વખાણ કર્યા છે. જેથી હવે શિવરાજસિંહ પર દબાણ વધી ગયું છે. પરિણામે તેઓ પોતાની છબી વધારી રહ્યા છે અને રોજ તેઓ મેરેથોન બેઠકો પણ યોજી રહ્યા છે. 

શિવરાજસિંહે મેરાથોન બેઠકો વધારી 

ગત શનિવારે કેન્દ્રિય ગૃહમંત્રી અમિતશાહ મધ્યપ્રદેશના જબલપુરમાં બલિદાન દિવસ કાર્યક્રમમાં હાજર રહ્યા હતા. જે કાર્યક્રમમમાં તેમણે પૂર્વ બીજેપી ચીફ અને સાંસદ રાકેશ સિંહના ઘણા વખાણો કર્યા હતા. એવી માહિતી પણ સામે આવી છે કે અમિતશાહની મુલાકાત બાદ મુખ્યમંત્રી શિવરાજ સિંહે મેરાથોન બેઠકો વધારી દિધી છે.

રાજ્યપાલ મંગુભાઈ સાથે મુલાકાત લીધી 

હાલ મુખ્યમંત્રી શિવરાજસિંહ રાજ્યના અધિકારીઓને સાથે પૂર જોશમાં કામ કરી રહ્યા છે. 18 સપ્ટેમ્બરે અમિતશાહ જબલપુર પહોચ્યા હતા. ત્યારબાદ એક દિવસ પછી શિવરાજસિહે રાજ્યપાલ મંગુભાઈ પટેલ સાથે પણ મુલાકાત લીધી હતી. જે મુલાકાતને લઈને મુખ્યમંત્રીએ એવું કહ્યું કે વિસાક સંબંધી યોજનાઓ પર ચર્ચા થઈ હતી. 

પોલીસ અને પ્રશાસનના અધિકારીઓ સાથે પણ મુલાકાત લીધી

રાજ્યપાલ સાથેની મુલાકત બાદ તેમણે પોલીસ અને પ્રશાસનના અધિકારીઓ સાથે પણ મુલાકાત લીધી હતી. જેમા તેમણે કહ્યું કે તેઓ અધિકારીઓને તેમના કામ પ્રમાણે રાખસશે. સાથેજ તેમણે એવું પણ કહ્યું છે કે અમે ભ્રષ્ટાચાર સામે ઝીરો ટોલરન્સ નીતિ અપનાવીશું. ઉપરાંત તેમણે કહ્યુ કે જે અધિકારીએ યોગ્ય કામ નથી કરતા તેને સજા આપવામાં આવશે.