બોલિવૂડના મહાનાયક અમિતાભ બચ્ચન કેબીસી સિઝન 12મી સિઝનનું સંચાલન કરી રહ્યાં છે, તે હંમેશાની જેમ કન્ટેસ્ટન્ટ્સ સાથે સુંદર રીતે વાત કરે છે અને ખેલને રસપ્રદ બનાવે છે. હાલમાં જ કેબીસીના સેટ પર એક પોલિસ કોન્સ્ટેબલ આવ્યો હતો જેણે 25 લાખ રૂપિયા જીત્યા હતા. તે સિવાય તેને એક બીજો પણ ફાયદો થયો હતો.
શીવરાજ સરકારે એક્સેપ્ટ કરી રીકવેસ્ટ
બચ્ચને કરી હતી કન્ટેસ્ટન્ટ વતી વિનંતી
કેબીસીનો ફાયદો પર્સનલ ફાયદો
મંદસોરમાં પોસ્ટેડ કોન્સ્ટેબલ વિવેક પરમાર કેટલાક દિવસ પહેલા કેબીસીમાં આવ્યા હતા અને 25 લાખ રૂપિયા જીત્યા હતા, શો દરમિયાન તેણે જણાવ્યું હતુ કે તેની પત્ની પણ કોન્સ્ટેબલ છે અને તે ગ્વાલિયરમાં પોસ્ટેડ છે. જેના કારણે ખુબ સમસ્યા આવે છે અને અમિતાભે હસતા હસતા કહી દીધુ હતુ કે બંનેની પોસ્ટીંગ એક સાથે કરાવી દો.
અમિતાભની વિનંતીનો થયો ફાયદો
અમિતાભ બચ્ચને આ વિનંતી કરી જેનાથી દંપતિને ફાયદો થયો છે અને ગઇ કાલે જ વિવેકની પત્નીનો ટ્રાન્ફર ઓર્ડર જાહેર થયો છે. મંદસૌરના સ્થાનિય ધારાસભ્યએ કહ્યું કે પ્રીતિનું ટ્રાન્સફર નાર્કોટિક્સ વિભાગમાં કરી દેવામાં આવી છે. અમિતાભે વિવેકની સમસ્યા દુર કરવા માટે કેબીસી શો પરથી જ વિનંતી કરી હતી, જેના ફળ સ્વરુપ આજે પતિ-પત્ની એક જ જગ્યાએ કામ કરી રહ્યાં છે.
મહત્વનું છે કે, સિઝન-12 મહિલાઓના નામે રહી છે. શોમાં નાઝીયા નાસિમ, મોહીતા શર્મા, અનુપા દાસ અને ડૉ.નેહા શાહ 1 કરોડ રૂપિયા જીતી ચૂકી છે. વર્ક ફ્રન્ટની વાત કરીએ તો બચ્ચન બ્રમ્હાસ્ત્ર, ચહેરે અને ઝૂંડ જેવા પ્રોજેક્ટમાં કામ કરી રહ્યાં છે,