આસામ / 'ખેલો ઈન્ડિયા' પહેલાં આસામની તીરંદાજના ગળામાં ઘૂસ્યું તીર, સારવાર માટે મોકલાઈ દિલ્હી

• ડિબ્રૂગઢના પ્રેક્ટિસ દરમિયાન થઈ ઘાયલ
• ખેલો ઇન્ડિયા ગેમ્સની શરૂઆત 10 જાન્યુઆરીથી થશે
• આસામની રાજધાની ગુવાહાટીમાં રમાશે ગેમ્સ

આસામની 12 વર્ષીય તીરંદાજ શિવાંગિની ગોહેનના ગળામાં પ્રેક્ટિસ દરમિયાન તીર ઘૂસી જતાં, તેને સારવાર માટે દિલ્હીના એમ્સ હોસ્પિટલ ભરતી કરાઈ છે. એક સમાચાર એજન્સી મુજબ, આ ઘટના આસામના ડિબ્રૂગઢના છબુઆમાં યોજાનારા ખેલો ઈન્ડિયા ગેમ્સના એક દિવસ પહેલા ગુરૂવારે પ્રેક્ટિસ કરી રહી હતી. 

#Assam:Shivangini Gohain,12-yr-old archer from Dibrugarh has met with an accident while practicing for Khelo India event in Guwahati.Dr V Aggarwal says,"She was injured while practicing,the arrow pierced inside her neck.She has been referred to AIIMS Delhi for further treatment". pic.twitter.com/Zxm60K0EbC

— ANI (@ANI) January 9, 2020

પ્રેક્ટિસ દરમિયાન અચાનક એક તીર ગોહેનના ગળામાં ઘૂસી ગયું

પ્રેક્ટિસ દરમિયાન અચાનક એક તીર ગોહેનના ગળામાં ઘૂસી ગયું. પછી ફટાફટ તેને હોસ્પિટલ લઈ જવાઈ. ત્યાં ડોક્ટર વી. અગ્રવાલે જણાવ્યું કે, શિવાંગિનીના ગળામાં તીર ઘૂસી ગયું હતું. જેથી ગોહેનને પ્રાથમિક સારવાર આપ્યા બાદ દિલ્હી લઈ જવાઈ હતી. 

SAI ઉઠાવશે સારવારનો ખર્ચ

શિવાંગિનીના સારા ઉપચાર માટે તાત્કાલિક એરલિફ્ટમાં દિલ્હી મોકલવામાં આવી છે. એવું કહેવાય છે કે, શિવાંગિની સ્પોર્ટ્સ ઓથોરિટી ઓફ ઈન્ડિયા (SAI)ની ટ્રેની છે. સાઈના સૂત્રોની માનીએ તો શિવાંગિનીની સારવારનો ખર્ચ સાઈ ઉઠાવશે. જોકે, આ દુર્ઘટના કઈ રીતે ઘટી, તે અંગે હાલ કોઈ જાણકારી મળી નથી.