વડોદરા / આ વિદ્યાર્થીના ઉત્સાહને જોઇને સલામ કરવાનું થશે મન, હાથ-પગ નથી છતાં...

• હાથ-પગ વગર પણ બોર્ડની પરીક્ષા
• શિવમ રાઈટર વિના આપે છે પરીક્ષા
• 11 વર્ષની ઉમરે બનેલી ઘટનાએ જીવન બદલ્યું

શહેરમા વિજય નગર વિસ્તારમાં રહેતા શિવમ સોલંકી સાથે 11 વર્ષની ઉમરે બનેલી ઘટનાએ સમગ્ર જીવન બદલી નાખ્યો. 11 વર્ષની ઉમરે પતંગ પકડવા જતા શિવમને ભારે કરંટ લાગ્યો હતો. આ ઘટનામાં શિવમના બન્ને હાથ અને પગ કાપવા પડ્યા હતા. 

ધોરણ-10ની બોર્ડની પરીક્ષામાં શિવમે 98.53 મેળવ્યા 

આ ઘટના બાદ શિવમના પરિવારે તેનો આત્મવિશ્વાસ ઓછો થવા દીધો ન હતો. પરિવારે શિવમને હાથ વગર જ લખવાની કળા શિખવાડી હતી. જે કળા શિખ્યા બાદ શિવમે ધોરણ-10ની પરીક્ષા આપી હતી. ધોરણ-10ની બોર્ડની પરીક્ષામાં શિવમે 98.53 પરસેન્ટાઈલ મેળવ્યા હતા. 

શિક્ષકોએ શિવમનો આત્મવિશ્વાસ વધાર્યો 

આટલા ટકા આવ્યા બાદ શિવમના મનોબળમાં વધારો થયો. આ પરીક્ષા આપવા માટે શિવમને સ્કૂલના શિક્ષક, આચાર્ય દ્વારા તમામ પ્રકારથી મદદ કરવામાં આવે છે. શિવમનો આત્મવિશ્વાસ વધારવા માટે શિક્ષકો દ્વારા પુરતો સહકાર આપવામાં આવે છે.