રાજનીતિ / ઉદ્ધવ ઠાકરેની જાહેરાત, શિવસેના રાષ્ટ્રપતિની ચૂંટણીમાં NDAના ઉમેદવાર દ્રૌપદી મુર્મૂને વોટ આપશે

• શિવસેના રાષ્ટ્રપતિ ચૂંટણીમાં દ્રૌપદી મુર્મૂનું કરશે સમર્થન
• શિવસેના પ્રમુખ ઉદ્ધવ ઠાકરેએ કરી જાહેરાત 
• સાંસદોની બેઠકમાં મોટા ભાગના સાંસદોએ NDAને સપોર્ટ કર્યો
• સંજય રાઉત અગાઉ યશવંત સિન્હાને સપોર્ટની વાત કરી ચુક્યા છે 

ઉદ્ધવ ઠાકરેએ રાષ્ટ્રપતિ ચૂંટણીમાં NDA ઉમેદવાર દ્રૌપદી મુર્મૂને સપોર્ટ આપવાની સત્તાવાર જાહેરાત કરી દીધી છે. ઉદ્ધવનો આ નિર્ણય ચોંકાવનારો છે કારણ કે, શિવસેના સાંસદ સંજય રાઉત વિપક્ષ ઉમેદવાર યશવંત સિન્ગાના પક્ષમાં હતા. તો વળી શિવસેનાના અમુક સાંસદ દ્રૌપદી મુર્મૂને સમર્થન કરી રહ્યા હતા. 

અમારે વિરોધ કરવો જોઈતો હતો પરંતુ હું સંકુચિત દ્રષ્ટિકોણવાળો નથી- ઉદ્ધવ ઠાકરે 
ઉદ્ધવ ઠાકરેએ કહ્યું કે કાલે સાંસદોની બેઠકમાં કોઈએ મારા પર દબાણ કર્યું નથી. હું એ વાત સ્પસ્ટ કરવા માગું છું કે અમારા ઘણા આદિવાસી નેતાઓએ મને વિનંતી કરી હતી કે પહેલી વાર કોઈ આદિવાસી રાષ્ટ્રપતિ બની રહ્યાં છે, તેથી શિવસેના તેમને સમર્થન આપવાની જાહેરાત કરી રહી છે. ઠાકરેએ કહ્યું કે શિવસેનાએ ક્યારેય પણ આવી બાબતે રાજનીતિ કરી નથી.  આમ તો અમારે વિરોધ કરવો જોઈતો હતો પરંતુ હું એટલો સંકુચિત દ્રષ્ટિકોણવાળો નથી. 

સીએમ એકનાથ શિંદેએ પણ મુર્મૂને સમર્થન આપવાની જાહેરાત કરી હતી
ઉલ્લેખનીય છે કે મહારાષ્ટ્રના સીએમ એકનાથ શિંદેએ પણ રાષ્ટ્રપતિની ચૂંટણીમાં એનડીએના ઉમેદવાર દ્રૌપદી મુર્મૂને ટેકો આપવાની જાહેરાત કરી હતી. 
એમવીએ ગઠબંધન માટે ઝટકો

ઉદ્ધવનો આ નિર્ણય મહા વિકાસ અઘાડી (એમવીએ) ગઠબંધન માટે પણ એક ઝટકો છે. કારણ કે એમવીએના અન્ય બે સાથી પક્ષો કોંગ્રેસ અને શરદ પવારની એનસીપી યશવંત સિંહાને ટેકો આપી રહી છે. પરંતુ હવે જ્યારે તેમણે એનડીએના ઉમેદવારને સમર્થન આપવાની વાત કરી છે, ત્યારે એ સ્પષ્ટ છે કે ઉદ્ધવે સંજય રાઉતના અભિપ્રાયને બાયપાસ કરીને પક્ષના સાંસદોની વાત સ્વીકારી લીધી છે.  

એનડીએ ઉમેદવારને સપોર્ટ કરો- શિવસેના સાંસદોએ ઉદ્ધવને અપીલ કરી હતી 
સોમવારે શિવસેનાની બેઠક થઈ હતી. પક્ષના 19 સાંસદોમાંથી માત્ર 11 જ આવ્યા હતા. આમાંથી મોટાભાગના સાંસદોએ ઉદ્ધવને અપીલ કરી હતી કે તેઓ રાષ્ટ્રપતિની ચૂંટણીમાં દ્રૌપદી મુર્મૂને ટેકો આપે. આ સાથે જ સંજય રાઉતે કહ્યું કે શિવસેનાએ યશવંત સિન્હાનું સમર્થન કરવું જોઈએ. આ મામલે અંતિમ નિર્ણય ઉદ્ધવ ઠાકરેએ લેવાનો હતો.

Shiv Sena to support Droupadi Murmu in Presidential election, says Uddhav Thackeray

Read @ANI Story | https://t.co/pxYmnXu5Id#UddhavThackarey #ShivSena #PresentialElection #DroupadiMurmu pic.twitter.com/Oe7fesuTTm

— ANI Digital (@ani_digital) July 12, 2022

Shiv Sena to support NDA’s presidential candidate Droupadi Murmu: Uddhav Thackeray

— Press Trust of India (@PTI_News) July 12, 2022

હવે સૂત્રો દ્વારા મળેલી વિગતો અનુસાર જોઈએ તો ઉદ્ધવ ઠાકરે એનડીએ ઉમેદવાર દ્રૌપદી મુર્મૂને સપોર્ટ કરવા માટે તૈયાર થઈ ગયા છે. એટલે કે, સંજય રાઉતના મતને નજરઅંદાજ કરીને પાર્ટીના સાંસદોની વાત ઉદ્ધવે સ્વિકારી છે. 

ટીડીપી પણ એનડીએ ઉમેદવારને સપોર્ટ આપશે

છેલ્લા  દિવસમાં બે પાર્ટીઓએ એનડીએના રાષ્ટ્રપતિ ઉમેદવાર દ્રૌપદી મુર્મૂને સપોર્ટ આપવાની જાહેરાત કરી છે. સોમવારે આંધ્રપ્રદેશની વિપક્ષી પાર્ટી ટીડીપીએ પણ એનડીએના ઉમેદવારને સમર્થન આપવાની જાહેરાત કરી હતી. ટીડીપીની જાહેરાત બાદ હવે શિવસેનાએ પણ મુર્મૂને સમર્થન આપવાની સત્તાવાર જાહેરાત કરી દીધી છે.