શિવસેના તેના મુખપત્ર સામનામાં લખ્યું છે, અમેરિકામાં સત્તા પહેલાથી જ બદલાઈ ગઈ છે અને બિહારમાં સત્તા હવે અંતિમ પડાવ પર છે. વડા પ્રધાન મોદી, નીતીશ કુમાર વગેરે સહિતના નેતાઓ યુવા તેજસ્વી યાદવની સામે આ ચૂંટણીમાં ઊભા રહી શક્યા નથી
શિવસેના એ સાધ્યું ભાજપ પર નિશાન
બિહાર ચૂંટણીના પોલ્સને લઈને કર્યા પ્રહાર
નમસ્તે ટ્રમ્પ ઇવેંટને લઈને પણ કર્યો કટાક્ષ
બિહાર વિધાનસભાની ચૂંટણીમાં નીતિશ કુમારના નેતૃત્વ હેઠળ રાષ્ટ્રીય લોકતાંત્રિક ગઠબંધન NDA ની સ્પષ્ટ પરાજય જોઈને શિવસેનાએ તેના મુખપત્ર સામના દ્વારા ભાજપ પર મોટો હુમલો કર્યો છે. શિવસેનાએ સામના માં લખ્યું છે, યુ.એસ. માં સત્તા પહેલાથી જ બદલાઈ ગઈ છે જ્યારે કે બિહારમાં હવે તે છેલ્લા સમયમાં છે.
બિહારના પોલ્સને આધારે શિવસેના એ ભાજપ પર કર્યા પ્રહારો
બિહાર ચૂંટણીને લઈને શિવસેનાએ લખ્યું હતું કે બિહાર વિધાનસભાની ચૂંટણીમાં નીતીશ કુમારના નેતૃત્વ હેઠળ NDA સ્પષ્ટ રીતે હારી રહ્યું છે. આપણા સિવાય દેશ અને રાજ્યમાં કોઈ વિકલ્પ નથી, રાજનેતાઓને એવા ભ્રમથી આ દેશની જનતા જ અલગ કરતી હોય છે.
ભાજપ વિશે તેમાં લખ્યું હતું કે સત્તાપક્ષ ભાજપના નેતાઓ જ્યારે 'નમસ્તે ટ્રમ્પ' માટે કરોડો રૂપિયાનો ખર્ચ કરી રહ્યા હતા, ત્યારે કોરોના સમયગાળા દરમિયાન ટ્રમ્પને ગુજરાતમાં આમંત્રણ અપાયું હતું અને સરકારી પૈસે જ તેનું આયોજન કરાયું હતું ત્યારે તે વાતને નકારી શકાય નહીં કે આ ઇવેંટથી જ જનતામાં કોરોના સંક્રમણ ફેલાયું હતું.
નમસ્તે ટ્રમ્પ ઇવેંટને લઈને કર્યા પ્રહારો
વધુ માં સામના માં લખાયુ હતું કે જો તમારા હાથમાં શક્તિ, પૈસા અને ગુંડાઓનો પાવર છે તો તમે જે ઇચ્છો તે કરી શકો છો. આ વિચારની જ આજે હાર થઈ છે. ટ્રમ્પને આવકારવા માટે આપણા દેશમાં ખૂબ જ તૈયારીઓ કરવામાં આવી હતી પરંતુ ખોટા માણસની સાથે ઊભા રહેવું એ આપણી સંસ્કૃતિ નથી. કેટલાક લોકો લોકશાહીનો કોટ લગાવીને 'અમે લોકશાહીના પિતા છીએ એમ કહેતા રહે છે. પરંતુ કમલા હેરિસ વિશે સોશિયલ મીડિયામાં અપપ્રચાર કરવામાં ભાજપીઓ જ આગળ હતા.
પીએમ મોદી, નીતીશ કુમાર યુવા તેજસ્વી યાદવની સામે ઊભા રહી શક્યા નથી
બિહારમાં એક જ પ્રકારની રાજનીતિના સ્પષ્ટ સંકેતો છે. વડા પ્રધાન મોદી, નીતીશ કુમાર વગેરે સહિતના નેતાઓ યુવા તેજસ્વી યાદવની સામે ઊભા રહી શક્યા નહીં. તેજસ્વીની બેઠકોમાં ખૂબ મોટી સંખ્યામાં લોકો હજાર હતા, જ્યારે કે પીએમ મોદી અને નીતિશ કુમારની સભાઓમાં લોકો એટલી સંખ્યામાં હાજર નહોતા.