પત્ર / રાજ્યસભામાં શિવસેનાની બેઠક બદલવા પર સંજય રાઉતે જવાબ આપ્યો, હજુ NDA...

• બીજેપી-શિવસેનાની વચ્ચે ઘર્ષણની અસર કેન્દ્રની રાજનીતિથી લઇને સંસદ સુધી પહોંચી
• શિવસેનાના રાજ્યસભા સાંસદ સંજય રાઉતની બેઠક ગૃહમાં બદલવામાં આવી
• શિવસેનાએ કહ્યું, આ શિવસેનાની ભાવનાને ઠેસ પહોંચાડવા માટે કરવામાં આવ્યું

હજુ NDAથી અલગ થવાનું ઔપચારીક એલાન બાકી : રાઉત

શિવસેના સાંસદે રાજ્યસભાના સભાપતિને લખેલા પત્રમાં કહ્યું, 'જાણીને હેરાન છું કે રાજ્યસભામાં મારી બેઠક બદલીને ત્રીજીથી પાંચમી પંક્તિમાં કરી દેવાઇ છે. કોઇએ આ નિર્ણય જાણી-જોઇએ શિવસેનાની સંવેદનાને ઠેસ પહોંચાડવા અને અમારી અવાજ દબાવવા માટે કર્યો છે. રાઉતે પત્રમાં કહ્યું કે હાલ શિવસેનાનું એનડીએથી અલગ થવાનું સત્તાવાર એલાન થયું નથી. તેમણે આ પગલાને રાજ્યસભાની ગરિમા પર પ્રહાર બતાવ્યું. 

આ પગલાથી ગૃહની મર્યાદા પર પ્રહાર : રાઉત 

રાઉતે લખ્યું, મને આ અનપેક્ષિત પગલાનું કારણ એટલા માટે પણ નથી સમજાતુ, કેમકે (શિવસેના ને) એનડીએથી હટાવવાની હાલ ઔપચારિક જાહેરાત નથી થઇ. આ નિર્ણયથી ગૃહની ગરિમાને ઠેસ પહોંચી છે. શિવસેના સાંસદે સભાપતિને ફરી વાર પહેલી, બીજી અથવા ત્રીજી પંક્તિમાં બેસવાની અનુમતિ આપવાની માંગ કરી છે. 

તેમણે કહ્યું કે, આ પંક્તિઓમાંથી કોઇ એકમાં તેમના બેસવાની વ્યવસ્થા કરી ગૃહની મર્યાદા યથાવત રાખવામાં આવે. નોંધનીય છે કે, રાજ્યસભામાં સદસ્યોની સિટિંગ એરેજમેન્ટ સભાપતિની મરજી મુજબ થાય છે. આ સંબંધમાં નિયમ રાજ્યસભાની વેબસાઇટ પર ઉપલબ્ધ છે.