રાજનીતિ / એકનાથ શિંદે શિવસેનાના ધારાસભ્ય દળના નેતા, ઉદ્ધવ ઠાકરેએ કહ્યું- નક્કી થયેલું જ રહેશે, ઓછું કંઈ નહીં ચાલે

• શિવસેના અને ભાજપમાં મુખ્યમંત્રી પદને લઇને વિવાદ
• સંજય રાઉતે કહ્યું- અમે પોતાની માંગ પરથી પાછા નહીં હટીએ
• એકનાથ શિંદે શિવસેનાના ધારાસભ્ય દળના નેતા

ધારાસભ્ય દળના નેતા માટે આદિત્ય ઠાકરેએ જ એકનાથ શિંદેના નામનો પ્રસ્તાવ રાખ્યો હતો. પાર્ટીએ આ સિવાય સુનીલ પ્રભુને વિધાનસભામાં ચીફ વ્હિપ પસંદ કરવામાં આવ્યા છે.

ભાજપ સાથે હજુ સુધી નથી થઇ વાત

શિવસેના ધારાસભ્ય દળની બેઠકમાં પાર્ટી પ્રમુખ ઉદ્ધવ ઠાકરેએ ધારાસભ્યોને સંબોધિત કર્યા હતા. તેમણે એમ જણાવ્યું છે કે ભાજપ સાથે આ મામલે વાત નથી થઇ. જો 50-50 ફૉર્મૂલા પર મુખ્યમંત્રી સાચુ બોલી રહ્યા છે, તો હું શું ખોટું બોલી રહ્યો છું? ધારાસભ્યોને ઉદ્ધવ ઠાકરેએ સલાહ પણ આપી કે જો કોઇ નેતા પાર્ટી બદલે છે, તો જનતા તેને પસંદ નથી કરતી. ઉદ્ધવે વધુમાં કહ્યું કે અમે માત્ર એ જ જોઇએ છે જે નક્કી થયું હતું, તેનાથી ઓછું કંઇ પણ નથી જોતું.

As an elected MLA, it was my privilege to propose the name of @mieknathshinde ji as the leader of the @ShivSena Parliamentary Party for the working the legislature. @prabhu_suneel ji has been elected as chief whip of the party for the legislature. #महाराष्ट्र pic.twitter.com/ofMln0A7ku

— Aaditya Thackeray (@AUThackeray) October 31, 2019

શિવસેનાના સંજય રાઉતનુ મોટું નિવેદનઃ તમામ પક્ષો અમારા સંપર્કમાં છે

મહારાષ્ટ્રમાં શિવસેનાના ધારાસભ્ય દળના નેતા તરીકે એકનાથ શિંદેની પસંદગી કરવામાં આવી છે. હવે શિવસેનાના નેતાઓ રાજ્યપાલને મળશે. જેમાં આદિત્ય ઠાકરે, એકનાથ શિંદે અને દિવાકર રાઉત રાજ્યપાલને મળશે. તો બીજી તરફ મહારાષ્ટ્રમાં સરકાર રચવા માટે ઘમાસાણ યથાવત્ છે. શિવસેનાના નેતા સંજય રાઉતે કહ્યું કે તમામ પક્ષો અમારા સંપર્કમાં છે.

સુત્રો દ્વારા મળતી માહિતી અનુસાર, મહારાષ્ટ્રમાં ભાજપ અને શિવસેના વચ્ચે વાતચીત થઇ છે. જેમાં ભાજપ શિવસેનાને DYCM પદ આપવા માટે રાજી છે. ગૃહ મંત્રાલયને સિવાય અન્ય 13 મંત્રી પદ માટે ભાજપ રાજી છે. 50-50 ફોર્મુલા પર ભાજપ નથી રાજી.