પેટ્રોલ-ડિઝલની વધતી કિંમતો પર શિવસેનાએ સરકાર પર સાધ્યું નિશાન મુંબઇમાં લગાવ્યા પોસ્ટર

પેટ્રોલ-ડિઝલની કિંમતોમાં રવિવારે પણ ભાવવધારો યથાવત છે. આ કિંમત વધતાં વધતાં 90 રૂપિયા પ્રતિ લીટરની આસપાસ પહોંચી ગઈ. વિપક્ષી પાર્ટીઓએ આ ભાવ વધારાના વિરોધ દેશભરમાં હડતાળ અને પ્રદર્શનોનું એલાન કર્યું છે. તેઓએ સતત કરવામાં આવેલાં ટેક્સ વૃદ્ધિને કારણે ઓઈલના ભાવ રેકોર્ડ સ્તરે પહોંચી ગયા હોવાના કારણો જણાવ્યાં છે.

મુંબઈમાં શિવસેનાના હેડક્વાર્ટર શિવસેના ભવનની સામે આ ભાવ વધારાના વિરોધ પોસ્ટર લગાવવામાં આવ્યાં છે. જેમાં પેટ્રોલ-ડીઝલ અને ગેસના 2015 અને 2018ના ભાવોને દેખાડવામાં આવ્યાં છે સાથે જ લખ્યું છે 'આ જ છે સારા દિવસો!'
 

Protesting against fuel price hike posters put up by Shiv Sena in Mumbai. (8.9.18) pic.twitter.com/8AxTJYelRo

— ANI (@ANI) September 9 2018

ત્યારે બીજી તરફ કોંગ્રેસ શનિવારે રૂપિયામાં સતત થતો ઘટાડો રાફેલ ડીલ અને તેલની વધતી કિંમતોને લઇને ભાજપ પર નિશાનો સાધતા કહ્યુ કે 'बहुत झूठी पार्टी' કહી દીધું. 

તમને જણાવી દઇએ કે આજે દેશની રાજધાની દિલ્હીમાં પટ્રોલ-ડિઝલની કિંમતમાં 10 પૈસાની વૃદ્ઘિ થઇ છે જે પછી પેટ્રોલ 80.50/ લિટર અને ડિઝલ 72.61 રૂપિયા પ્રતિ લિટરમાં વેચાઇ રહ્યુ છે. 

જ્યારે મુંબઇમાં પેટ્રોલ-ડિઝલની કિંમતમાં 12  અને 11 પૈસાનો વધારો થયો છે જે પછી પેટ્રોલ 87.89 પ્રતિ લિટર અને ડિઝલ 77.09 પ્રતિ લિટર થઇ ગયું છે. આ સિવાય બીજા મહાનગરોમાં પણ પેટ્રોલિયમ પદાર્થોની કિંમતમાં વધારો થયો છે.

ચેન્નાઇમાં પેટ્રોલ  83.66 રૂપિયા અને ડિઝલ 76.75 રૂપિયા પ્રતિ લિટર જ્યારે કોલકાતામાં પેટ્રોલ 83.89 રૂપિયા પ્રતિ લિટર અને ડિઝલ 75.46 રૂપિયા પ્રતિ લિટરની કિંમતે વેચાઇ રહ્યુ છે. 

ઉલ્લેખનીય છે કે ગત એક મહિનામાં પેટ્રોલની કિંમત 3 રૂપિયા અને ડિઝલની કિંમતમાં લગભગ 4 રૂપિયાનો વધારો થયો છે.