રાજકારણ / શિવસેનાની રાહુલને સલાહ : મોદી સરકારનું જોર તોડવા આ પાર્ટીઓ સાથે હાથ મિલાવી લો

• રાહુલ ગાંધી અને NCP અધ્યક્ષ શરદ પવારે હાથ મિલાવી લેવા જોઈએ
• શરદ પવારના વિપક્ષના મોટા નેતાઓની બેઠક યોજાઇ 
• રાહુલ ગાંધીએ બધા નેતાઓને ચા પીવડાવવી જોઈએ

રાહુલ ગાંધી અને NCP અધ્યક્ષ શરદ પવારે હાથ મિલાવી લેવા જોઈએ
શિવસેનાએ ગુરુવારે કહ્યું કે કેન્દ્રમાં સત્તામાં રહેલ ભાજપનો સામનો કરવા માટે બધા જ વિપક્ષની પાર્ટીઓને એક સાથે લાવીને કોંગ્રેસના નેતા રાહુલ ગાંધી અને NCP અધ્યક્ષ શરદ પવારે સાથે મળીને કરમ કરવું જોઈએ. શિવસેનાના ન્યૂઝપેપરમાં લખવામાં આવ્યું  છે કે," ગાંધી કેન્દ્ર સરકાર પર અને તેમની ભૂલ પર નિશાન સાધે છે પણ માત્ર ટ્વિટર પર"

શરદ પવારના વિપક્ષના મોટા નેતાઓની બેઠક યોજાઇ 
એનસીપી અને કોંગ્રેસની સાથે હાથ મિલવાનાર વાળી શિવસેનાએ દાવો કર્યો છે કે પ્રધાનમંત્રી નેરેન્દ્ર મોદીના હાવ ભાવ બદલાઈ ગયા છે. તેમણે કહ્યું "તેમને ખબર છે કે દેશની સ્થિતિ તેમના હાથમાંથી નીકળી ગઈ છે. લોકોનો આક્રોશ બાદ પણ ભાજપ અને કેન્દ્ર સરકારને આત્મ વિશ્વાસ છે કે તેમની સામે કોઈ પણ જાતનો ખતરો નથી કારણકે વિપક્ષ એકદમ નબળું અને અલગ અલગ છે. ભારતીય જનતા પાર્ટીની સામે ત્રીજા મોરચાની સંભાવના હવે વધુ પાક્કી થઈ રહી છે. આ બધા વચ્ચે શરદ પવારે TMC, સમાજવાદી પાર્ટી, આમ આદમી પાર્ટી, રાષ્ટ્રીય લોક દળ, અને લેફ્ટ સહિત કુલ આઠ વિપક્ષી પાર્ટીઓબના નેતાઓ સાથે દિલ્હી સ્થિત પોતાના ઘરે બેઠક કરી હતી. 

રાહુલ ગાંધીએ બધા નેતાઓને ચા પીવડાવવી જોઈએ
બીજી બાજુ વાત કરીએ તો આ બેઠકમાં ભાગ લેનાર નેતાઓએ કહ્યું કે રાષ્ટ્રીય મંચ દ્વારા એક જેવુ વિચારવા વાળા વ્યક્તિઓની આ "ગેર રાજનૈતિક" બેઠક હતી. TMC ના ઉપાધ્યક્ષ યશવંત સિન્હાએ આ રાષ્ટ્રીય મંચ બીજા લોકો સાથે મળીને બનાવવામાં આવ્યો છે. શિવસેનાના સંપાદકમાં લખ્યું છે કે, રાહુલ ગાંધીએ બધી જ પાર્ટીઓને સાથે લાવવા માટે શરદ પવાર સાથે હાથ મિલાવી લેવો જોઈએ. સાથે તેમાં સલાહ પણ આપવામાં આવી કે રાહુલ ગાંધીએ વિપક્ષી પાર્ટીના નેતાઓ સાથે બેસીને ચા પીવી જોઈએ. પણ પછી તેમના નેતૃત્વ પર સવાલ ઉઠે છે.