રાજનીતિ / ઠાકરેના રાજીનામાં બાદ શિંદેનું પહેલું નિવેદન, ભાજપ સાથે જવા મુદ્દે કર્યું મોટું એલાન

• સરકારની રચનાને ધ્યાનમાં રાખીને મંત્રીપદ અંગે નિર્ણય લેવાશે 
• મંત્રીની યાદી અને તેના વિશેની અફવાઓ પર વિશ્વાસ ન કરો-એકનાથ શિંદે 
• ઉદ્ધવ ઠાકરે CM પદ પરથી રાજીનામું આપતાની સાથે જ BJPમાં ઉજવણી શરૂ

સરકારની રચનાને ધ્યાનમાં રાખીને મંત્રીપદ અંગે નિર્ણય લેવાશે 

મહારાષ્ટ્રમાં ચાલી રહેલા રાજકીય સંકટ વચ્ચે ઉદ્ધવ ઠાકરેએ CM પદ પરથી રાજીનામું આપી દીધું છે. દરમિયાન, ભાજપ અને શિંદે જૂથે નવી સરકાર બનાવવાની કવાયત શરૂ કરી દીધી છે. શિવસેનાના બળવાખોર નેતા એકનાથ શિંદેએ કહ્યું છે કે સરકારની રચનાને ધ્યાનમાં રાખીને 'કયા અને કેટલા મંત્રી પદ' હશે તેના પર BJP સાથે કોઈ ચર્ચા નથી. પરંતુ, આ અંગે ટૂંક સમયમાં ચર્ચા કરવામાં આવશે

भाजपसोबत कोणती आणि किती मंत्रीपदे याबाबत अद्याप कोणतीही चर्चा झालेली नाही, लवकरच होईल. तोपर्यंत कृपया मंत्रिपदाच्या याद्या आणि याबाबत पसरलेल्या अफवा यावर विश्वास ठेवू नका.

— Eknath Shinde - एकनाथ शिंदे (@mieknathshinde) June 30, 2022

મંત્રીની યાદી અને તેના વિશેની અફવાઓ પર વિશ્વાસ ન કરો-એકનાથ શિંદે 

આ સાથે તેમણે ટ્વીટ કર્યું કે ટૂંક સમયમાં આ તમામ બાબતો પર ચર્ચા કરવામાં આવશે. ત્યાં સુધી, કૃપા કરીને મંત્રીની યાદી અને તેના વિશેની અફવાઓ પર વિશ્વાસ ન કરો.

#WATCH Mumbai | Governor Bhagat Singh Koshyari accepts Uddhav Thackeray's resignation as Maharashtra CM. He had asked Uddhav to continue as CM until an alternate arrangement is made: Raj Bhavan pic.twitter.com/nWQ26bXkPN

— ANI (@ANI) June 29, 2022

ઉદ્ધવ ઠાકરે CM પદ પરથી રાજીનામું આપતાની સાથે જ BJPમાં ઉજવણી શરૂ

બીજી બાજુ બુધવારે સાંજે ઉદ્ધવ ઠાકરેના મુખ્યમંત્રી પદ પરથી રાજીનામું આપવાની જાહેરાત સાથે જ ભારતીય જનતા પાર્ટીમાં ઉજવણી શરૂ થઈ ગઈ હતી. મુંબઈની તાજ હોટલમાં ભાજપના નેતાઓ નારા લગાવતા, મીઠાઈઓ વહેંચતા જોવા મળ્યા હતા. ભાજપના નેતા દેવેન્દ્ર ફડણવીસને મીઠાઈ ખવડાવતા જોવા મળ્યા હતા.

BJP મહારાષ્ટ્ર એકમના અધ્યક્ષે BJP તમામ MLAને મુંબઈમાં ભેગા થવા માટે કહ્યું

ભારતીય જનતા પાર્ટી (BJP) મહારાષ્ટ્ર એકમના અધ્યક્ષ ચંદ્રકાંત પાટીલે બુધવારે રાત્રે કહ્યું કે પાર્ટીના નેતા દેવેન્દ્ર ફડણવીસ અને બળવાખોર શિવસેના નેતા એકનાથ શિંદે હવે ભવિષ્યની રણનીતિ નક્કી કરશે. રાજ્યની BJP યુનિટે તેના તમામ ધારાસભ્યોને મુંબઈમાં ભેગા થવા માટે કહ્યું છે.