IPL 2022માં 56 મેચની રમત પૂરી થઇ ચુકી છે. પ્લે ઓફની રેસ વધુ ઝડપી બની છે, આ વચ્ચે રાજસ્થાન રોયલ્સનાં વિસ્ફોટક બેટ્સમેને એક મોટી ખુશખબર આપી છે. આ સ્ટાર બેટ્સમેન પહેલી વાર પિતા બન્યા છે. થોડા દિવસો પહેલા જ રાજસ્થાનની ટીમનો આ સૌથી ધાકડ ખેલાડી IPL વચ્ચે ટીમને છોડીને ફરી દેશ પરત ફર્યો હતો.
પહેલી વાર પિતા બન્યો આ ખેલાડી રાજસ્થાન રોયલ્સ માટે રમી રહેલ બેટ્સમેન શિમરોન હેટમાયર પહેલી વાર પિતા બની ગયા છે. હેટમાયરે પોતાની ઇન્સ્ટાગ્રામ સ્ટોરી પર બાળક સાથે રમતા એક વીડિયો શેર કર્યો છે. હેટમાયરે પોસ્ટનાં કેપ્શનમાં લખ્યું કે દુનિયામાં તમારું સ્વાગત છે, હું તને ખૂબ જ પ્રેમ કરું છુ. હેટમાયર થોડા દિવસો પહેલા જ આઈપીએલનાં બાયો બબલને છોડીને પોતાની પત્ની પાસે ગયાના પહોંચ્યા હતા અને પિતા બન્યા બાદ બાળકની તસવીર શેર પણ કરી છે. તે જલ્દી જ રાજસ્થાન રોયલ્સની ટીમ સાથે જોડાશે.
Shimron Hetmyer has travelled back to Guyana early morning today for the imminent birth of his first child, but he’ll be back soon. 💗
RRએ ટ્વીટ કરીને આપી જાણકારી
શિનરોન હેટમાયરના ફરી ગયાના પરત ફરવાની જાણકારી રાજસ્થાન રોયલ્સએ ટ્વીટ દ્વારા આપી હતી. રાજસ્થાન રોયલ્સે કહ્યું હતું કે શિમરોન હેટમાયર પોતાના પહેલા બાળકનાં જન્મ માટે આજે ગયાના પાછા ચાલ્યા ગયા છે. અમે તેમની શક્ય બને એટલી મદદ કરી રહ્યા છીએ અને અમારી શુભકામનાઓ તેમની અને તેમની પત્ની સાથે છે. અમે આશા રાખીએ છીએ કે તેઓ ફરી મુંબઈ આવશે અને આઈપીએલમાં રાજસ્થાન રોયલ્સ માટે ફરી રમશે. ઓલ ધ બેસ્ટ, હેટી. એક પિતાનાં રૂપમાં આ વખાતે અમે તમારા પાછા ફરવા માટે ઉત્સુક છીએ.