શિલ્પા શિંદેએ જણાવ્યું કે તેઓ નવી સીરિયલમાં પોલીસની ભૂમિકા નિભાવશે.
શિલ્પા શિંદે પૂરા 6 વર્ષ બાદ ટીવી શોમાં કરી રહી છે વાપસી
શિલ્પા શિંદે ટીવી સીરિયલ 'મેડમ સર'માં દેખાશે
આ પ્રકારની ઑફર કોઈ રિજેક્ટ ના કરે: શિલ્પા શિંદે
'અંગૂરી ભાભી' હવે મેડમ સરમાં દેખાશે
ટીવી સીરિયલ 'ભાભી જી ઘર પર હૈ'માં અંગૂરી ભાભીના પાત્રથી આખા દેશમાં પ્રેમ પીરસનારી શિલ્પા શિંદે પૂરા 6 વર્ષ બાદ ટીવી શોમાં વાપસી કરી રહી છે. હાલમાં શિલ્પા ડાન્સ રિયાલિટી શો ‘Jhalak Dikhla Jaa’નો ભાગ હતી. ત્યારબાદ સમાચાર આવ્યાં કે અભિનેત્રી ટીવી સીરીયલમાં જોવા મળશે. 'ભાભી જી ઘર પર હૈ' છોડ્યા બાદ શિલ્પા શિંદેએ ટીવીથી અંતર બનાવ્યું હતુ. પરંતુ હવે તેઓ ટીવી સીરિયલ 'મેડમ સર'માં ધમાકેદાર વાપસી કરી રહી છે.
શિલ્પા શિંદેએ કરી પુષ્ટિ
શિલ્પા શિંદેએ એક અખબારને આપેલા ઈન્ટરવ્યુમાં આ વાતની પુષ્ટી કરી છે. તેમણે કહ્યું કે લાંબા સમયથી ચાલતા આ શોમાં તેઓ એન્ટ્રી કરવાના છે. આ શોના વખાણ કરતા તેમણે કહ્યું કે આ પ્રકારના શો માટે મળેલી ઑફરને કોઈ પણ રિજેક્ટ ના કરી શકે. શિલ્પા શિંદેએ કહ્યું, હા હું મેડમ સરનો ભાગ બનવાની છુ. આ શો છેલ્લાં કેટલાય સમયથી ટીવી પર ઓન એર છે અને આ શોની સ્પષ્ટ કોમેડી માટે તેના વખાણ કરવામાં આવે છે. આ ઑફરને ના પાડી શકાય નહીં.
શિલ્પાએ જણાવ્યું કે આ શોમાં તેઓ પોલીસની ભૂમિકામાં દેખાશે. જે પોતાની નોકરી છોડીને લગ્ન પર ધ્યાન આપે છે. પરંતુ પોતાના અધૂરા સપનાને પૂરા કરવા માટે તે પાછી ફરે છે અને પોતાની નોકરી ફરીથી શરૂ કરે છે. શિલ્પાના પાત્રનુ નામ કેંચી છે.