અશ્લીલ ફિલ્મો બનાવનાર કથિત આરોપી રાજ કુન્દ્રા વિશે અલગ અલગ ખુલાસા થતા રહે છે પરંતુ હવે શિલ્પા-રાજના લગ્નને લઇને ચોંકાવનારો ખુલાસો થયો છે.
રાજ કુન્દ્રા સાથે શિલ્પાને લગ્ન નહોતા કરવા
શિલ્પા લંડનમાં રહેવા માગતી નહોતી
અમિતાભના ઘર સામે પ્રોપર્ટી ખરીદી છે
હાલમાં જ પોલીસ જ્યારે શિલ્પા અને રાજના ઘરે પૂછપરછ માટે ગઇ અને પતિ-પત્નીને સામે બેસાડીને પૂછવામાં આવ્યું ત્યારે ઘણા રાઝ ખુલી ગયા હતા. રાજને સામે જોઇને શિલ્પા પોતાનો ગુસ્સો રોકી શકી નહોતી. રાજની આ ભૂલથી શિલ્પાના કરિયર પર મોટી અસર થઇ ગઇ છે.
2009માં કર્યા હતા લગ્ન
શિલ્પા શેટ્ટીએ રાજ સાથે 22 નવેમ્બર 2009માં લગ્ન કર્યા હતા. આ બંને બોલીવૂડના એવા કપલ છે કે જેમના ઝઘડવાની કોઇ ચર્ચા મીડિયામાં આવી નથી. બંને સોશ્યલ મિડીયા પર એક બીજા માટેનો પ્રેમ જાહેર કરે છે પરંતુ એક સમય એવો હતો કે કપલનાં સંબંધોમાં ખટાશ આવી ગઇ હતી.
રાજ સાથે નહોતા કરવા લગ્ન
17 વર્ષની ઉંમરમાં ફિલ્મ જગતમાં પોતાની શરૂઆત કરનાર અભિનેત્રી શિલ્પા શેટ્ટીએ જ્યારે રાજ કુન્દ્રા સાથે લગ્ન કર્યા ત્યારે ઘણા લોકોના દિલ તૂટી ગયા હતા. એક સમય હતો જ્યારે શિલ્પાને રાજ સાથે લગ્ન નહોતા કરવાય શિલ્પાએ પોતે ખુલાસો કર્યો હતો કે, જ્યારે હું 17 વર્ષની હતી ત્યારથી કામ કરવાનું શરૂ કર્યુ હતુ અને 32ની ઉંમરે પણ લગ્ન કરવામાં સંકોચ અનુભવતી હતી.
શિલ્પાએ આગળ કહ્યું કે, હું માતા બનવા માગતી હતી જે લગ્ન બાદ મહત્વનો હિસ્સો હોય છે. એક પત્ની, એક માતા અને એક વહુ બન્યા બાદ મારુ કરિયર ખુબ પાછળ રહી જશે. તેણે એમ પણ કહ્યું હતુ કે, તે નહોતી ઇચ્છતી કે રાજ કુન્દ્રા પર નિર્ભર રહેવું પડે.
રાજે શિલ્પા સામે રાખી હતી શરત
શિલ્પા શેટ્ટીએ આગળ કહ્યું કે, તે વખતે રાજ કુન્દ્રાને સીધી રીતે કહી દીધુ હતુ કે શિલ્પા તેની સાથે લગ્ન કરે અથવા તો સંબંધ પતાવી દે. શિલ્પાએ સાચો નિર્ણય લીધો, રાજ સાથે લગ્ન કરીને તેના કરિયર પર કોઇ અસર થઇ નહી.
અમિતાભના ઘર સામે પ્રોપર્ટી
શિલ્પાએ રાજને કહ્યું હતુ કે તે લંડન શિફ્ટ નહી થાય ત્યારે રાજે વાશુ ભગનાની ફોન કરીને પ્રોપર્ટી ખરીદવા માટે કહ્યું હતુ. જોયા વગર રાજે પ્રોપર્ટી ખરીદી અને શિલ્પાને ફોન કરીને કહ્યું, તું મુંબઇમાં રહેવા માંગતી હતી ને મિસ્ટર બચ્ચનના ઘર સામે એક ઘર લઇ લીધુ છે.