બોલિવુડની યોગા ક્વીન તરીકે જાણીતી એક્ટર શિલ્પા શેટ્ટીએ 1993માં બાઝીગરથી ફિલ્મી દુનિયામાં એન્ટ્રી કરી હતી, જેમાં તે કિંગખાન અને કાજોલ સાથે જોવા મળી હતી. આ ફિલ્મે સુપરહિટ સાબિત થઇ હતી. આ પછી તેણે અનેક ફિલ્મો કરી પરંતુ તે ફિલ્મ ઇન્ડસ્ટ્રીમાં પોતાની અલગ ઓળખાણ ના બનાવી શકી, જોકે આ સમયની આપવીતી તેણે પોતાના સોશ્યલ મીડિયા પર શૅર કરી છે.
શિલ્પાએ સોશ્યલ મીડિયા એક ફોટો શૅર કરીને કેપ્શન લખતા કહ્યુ કે, ''હું ડાર્ક હતી, લાંબી અને પાતળી હતી. ગ્રેજ્યુએશન પછી મેં પિતા સાથે કામ કર્યુ. પરંતુ, કંઈક નવું બેસ્ટ અને મોટું કરવા માગતી હતી. પણ ક્યારેય વિચાર્યુ ન હતુ કે આજે આ સ્ટેજ પર પહોંચીશ. મે તો માત્ર એક ફન માટે ફેશન શૉમાં ભાગ લીધો હતો. એ પછી મારી મુલાકાત એક ફોટોગ્રાફર સાથે થઇ હતી, જે મારા ફોટોઝ પાડવા ઇચ્છતો હતો.''
મારા માટે એ સમય આરામદાયક જીવનમાંથી બહાર આવવાનો હતો, મારા ફોટોઝ સારા હતા. એ જોઇને હું પણ ખુશ થઇ ગઇ. આ ફોટોગ્રાફે મારા માટે મોડેલિંગના દરવાજા ખોલી નાખ્યા. ત્યારપછી મને ફિલ્મોની ઑફર થવા લાગી. ત્યાર પછી મેં પાછળ વળીને ના જોયુ. પણ સરળતાથી મળતી વસ્તુઓની કિંમત નથી થતી. જ્યારે ફિલ્મની દુનિયામાં આવી ત્યારે 17 વર્ષની હતી. દુનિયા પણ યોગ્ય રીતે જોઇ ન હતી, જીવનની પણ સમજણ ના હતી. મને સફળતા મળી પણ એ માટે હું તૈયાર ના હતી કેમકે મને હિંદી બોલતા આવડતુ ન હતુ.
ફિલ્મના કેમેરા જોઇને હું ધ્રુજી જતી હતી, પછી એ સમય આવ્યો કે, અમુક ફિલ્મો કર્યા પછી મને ફિલ્મોમાં કામ મળવાનું બંધ થઇ ગયુ. અનેક પ્રયત્નો કર્યા પણ એવુ લાગ્યુ કે, આગળના બદલે પાછળ જવ છું. એ સમય મારા માટે સરળ ન હતો. કેટલાક પ્રોડ્યુસરો મને કારણ વગર ફિલ્મ પ્રોજેક્ટ્સમાંથી બહાર કાઢતા હતા. નસીબ સાથ આપતા ન હતા અને પ્રયત્ન વધારવાના હતા. એ સમયે પણ કંઇક અલગ કરવાની તક હતી. મને જાહેરમાં ધમકાવવામાં આવી અને ભેદભાવ પણ કરવામાં આવી. ઘરમાં પણ એકલી હતી. છતાં મે હાર ના માની, માનસિક રીતે નબળી ના પડી. પણ જ્યારે સફળ થઇ ત્યારે લોકોએ કહ્યુ કે, ''તમે અમને ગૌરવ અપાવ્યુ છે.''
તે સમયે મને થયુ કે, સ્ટ્રગલ ઘણી રીતે અસર કરે છે. હું મારા પગ પર માત્ર મારા માટે જ નહીં પણ જાતિવાદના ભેદભાવનો શિકાર બનેલા તમામ લોકો માટે ઉભુ થવુ હતુ. જીવન ખૂબ પ્લસ અને માઈનસથી ભરેલું છે. ભયાનક સમય પણ આવ્યો અને સુખ પણ જોયુ છે. દરેક ક્ષણને માણી છે. આજે એક મજબૂત મહિલા, સારી એક્ટર પત્ની અને મા બની.