શિલ્પા શેટ્ટી બોલિવુડની સૌથી વધારે ફિટ અને ગ્લેમરસ એક્ટ્રેસીસમાંથી એક છે. એક્ટ્રેસ માટે ફિટનેસ હંમેશા પ્રાથમિકતા રહે છે. અન્ય યુવતીઓ તેમજ ગૃહિણીઓ માટે પણ તે પ્રેરણારૂપ છે. ઘણા લોકોના મનમાં સવાલ થતો હશે કે શિલ્પા શેટ્ટી ફિટ રહેવા માટે કયા પ્રકારનું ડાયટ ફૉલો કરતી હશે?
શિલ્પા શેટ્ટી અવારનવાર પોતાનું ડાયટ શૅર કરતી હોય છે, ત્યારે હવે તેણે ફેન્સ સાથે કોકમમાંથી બનતા એક ડ્રિન્કની રેસિપી શૅર કરી છે. આ રેસિપી શૅર કરતા એક્ટ્રેસ કહ્યુ કે, ''ગરમીની સિઝન માટે આ ડ્રિન્ક પરફેક્ટ છે અને સાથે-સાથે વજન ઓછુ કરવામાં મદદરૂપ કરે છે. સાથે જ આ ડ્રિન્ક પેટની સમસ્યાઓને દૂર કરીને ડાયજેસ્ટિવ સિસ્ટમને સારી બનાવે છે. ''
આ પોસ્ટમાં શિલ્પાએ લખ્યુ કે, ''સોલકઢી એક ટ્રેડિશનલ કૂલર છે, જેમાં કોકમનો સમાવેશ થાય છે. કોકમમાં હાઇડ્રોક્લોરિક એસિડ અને એન્ટીઓક્સિડન્ટ્સ મળી આવે છે, જે વજન ઓછુ કરવામાં મદદરૂપ થાય છે. મોટાભાગે મહિલાઓ આ ડ્રિંકને પસંદ કરે છે, આ એસિડિટીની સમસ્યા પણ દૂર કરે છે.''
સોલકઢી સ્લશી બનાવવાની રીત:
સાડા ત્રણ ચમચી પલાળેલા કોકમ
4 ચમચી કોકમનું પાણી
અડધી ચમચી લસણ
1 નાનું લીલું મરચું
1 કપ પાણી
1 કપ કોકોનેટ મિલ્ક
સ્વાદનુસાર મીઠું
3-4 બરફના ટુકડા
એક મિક્સર જાર લઈ તેમાં પલાળેલા કોકમ લઈ, તેમાં કોકમનું પાણી ઉમેરીને ક્રશ કરી લો. હવે તેમાં સમારેલુ લસણ અને નાનું લીલુ મરચુ તેમજ થોડુ પાણી લઇ ક્રશ કરી લો. હવે આ કોકમના પાણીને ગરણીથી ગાળી લો અને તેમાં કોકોનેટ મિલ્ક મિક્સ કરી લો. આ મિશ્રણમાં સ્વાદનુસાર મીઠું ઉમેરીને મિક્સ કરો. હવે એક બાઉલમાં ટુકડા મૂકી તેના પર તૈયાર કરેલા મિશ્રણને ઉમેરો. તો તૈયાર છે સોલકઢી સ્લશી.