બોલિવૂડની સૌથી ફિટ એક્ટ્રેસિસમાંથી એક શિલ્પા શેટ્ટી તેની ફિટનેસ અને ફિગર માટે લોકો માટે એક ઈન્સ્પીરેશન બની ગઈ છે. તે સોશિયલ મીડિયા પર ખૂબ જ એક્ટિવ રહે છે અને તેના મજેદાર ફોટોઝ અને વીડિયોઝ ફેન્સ સાથે શેર કરતી રહે છે. ત્યારે હાલમાં જ શિલ્પાએ તેનો એક જોરદાર ડાન્સ શેર કર્યો છે. જેમાં તે પોતાની બહેન શમિતા શેટ્ટી સાથે બદન પે સિતારે લપેટે હુએ સોન્ગ પર જોરદાર ઠુમકા લગાવતા જોવા મળી રહી છે.
બોલિવૂડની સૌથી ફિટ એક્ટ્રેસિસમાંથી એક છે શિલ્પા શેટ્ટી
શિલ્પા શેટ્ટી સોશિયલ મીડિયા પર ખૂબ જ એક્ટિવ રહે છે
શિલ્પા શેટ્ટીએ એક જબરદસ્ત ડાન્સ વીડિયો કર્યો શેર
શિલ્પા શેટ્ટી આ વીડિયોમાં બહેન શમિતા શેટ્ટીનો હાથ પકડીને જબરદસ્ત મૂવ્સ કરતા જોવા મળી રહી છે. વીડિયોમમાં બંને બહેનો મેચિંગ સ્ટેપ્સ કરતાં જોવા મળી રહી છે. શિલ્પાએ આ વીડિયો શેર કરતા લખ્યું- મેંચિંગ સ્ટેપ્સ મારી ફેવરિટ સિતારા સાથે, મારી ટુન્કી મારો હાર્ટ છે. શિલ્પાએ લખ્યું છે- એક સુંદર સાંજ સૌથી ક્યૂટ ડાન્સ પાર્ટનર શમિતા શેટ્ટીની સાથે. આ વીડિયો પર ફેન્સ ખૂબ જ કમેન્ટ્સ કરી રહ્યયાં છે અને વીડિયો ખૂબ જ વાયરલ થઈ રહ્યો છે.
આ પહેલાં પણ શિલ્પાએ લોહડી સેલિબ્રેશનનો એક વીડિયો શેર કર્યો હતો, જેમાં તે તેના આખા પરિવાર સાથે આ ફેસ્ટિવલ એન્જોય કરતી જોવા મળી હતી. આ વીડિયોમાં શિલ્પાની સાથે તેનો પતિ રાજ કુન્દ્રા, દીકરી સમિશા, દિકરો અને માતા-પિતા પણ જોવા મળી રહ્યાં છે. આ વીડિયો શેર કરતા શિલ્પા શેટ્ટીએ લખ્યું-લોહડીની ખૂબ ખૂબ શુભેચ્છા. આશા છે કે, લોહડી તમામ નકારાત્મકતાના બાળી દે અને બહુ બધી ખુશીઓ, શાંતિ, પ્રેમ લઈને આવે.
શિલ્પા શેટ્ટીના વર્કફ્રંટની વાત કરીએ તો શિલ્પા શેટ્ટી ફિલ્મ 'નિકમ્મા'માં જોવા મળશે. ફિલ્મમાં તેની સાથે પરેશ રાવલ, અભિમન્યુ દાસાની, શર્લી સેટિયા સહિતના એક્ટર્સ છે. આ સિવાય શિલ્પા શેટ્ટી હંગામા 2માં પણ જોવા મળશે. આ ફિલ્મ વર્ષ 2003માં ધમાલ મચાલી ચૂકેલી જબરદસ્ત કોમેડી ફિલ્મ હંગામાની સીક્વલ છે. શિલ્પા શેટ્ટીની છેલ્લીવાર 2007માં રિલીઝ થેયલી ફિલ્મમાં જોવા મળી હતી. એ સિવાય તે એકલ-દોકલ ફિલ્મોમાં જોવા મળી હતી. આ સિવાય તે કોઈ ફિલ્મમાં કેમિયો રોલ કરતા અથવા તો કોઈ ફિલ્મમાં ગીત પર પર્ફોમ કર્યું છે. તમને જણાવી દઈએ કે, ફિલ્મ 'હંગામા 2' 2021માં રિલીઝ થવાની વાતો ચાલી રહી છે. ફિલ્મની સ્ટારકાસ્ટની વાત કરીએ તો પરેશ રાવલ, શિલ્પા શેટ્ટી, મીઝાન જાફરી તથા સાઉથ સેન્સેશન પ્રણીતા સુભાષ મુખ્ય ભૂમિકામાં જોવા મળશે. ફિલ્મને પ્રિયદર્શન ડિરેક્ટ કરવાના છે.