VIDEO / જેલમાંથી છૂટયા બાદ પહેલી વખત ફરવા ગયા, પતિ વિના જ પાછી ફરી શિલ્પા શેટ્ટી

• મુંબઈ એરપોર્ટ પર દેખાઈ શિલ્પા શેટ્ટી 
• હિમાચલ પરદેશ રજાઓ માણવા ગઈ હોવાની માહિતી 
• ફોટોગ્રાફરે ફોટો માટે કહ્યું તો...

બૉલીવુડ અભિનેત્રી શિલ્પા શેટ્ટી ગુરુવારે બપોરે મુંબઈ એરપોર્ટ પર દેખાઈ હતી. પતિ રાજ કુંદ્રા અને બાળકો સાથે તે હિમાચલ પરદેશ રજાઓ માણવા ગઈ હોવાનું માલૂમ પડ્યું હતું. જૉ કે આજે તે એરપોર્ટ પર એકલી જ જોવા મળી હતી. આ દરમિયાન તેમણે પાપારાઝીઓ સામે ફોટોઝ ક્લિક કરાવ્યા હતા. જૉ કે આ દરમિયાન તે થોડી ક્ષોભગ્રસ્ત હાલતમાં દેખાઈ હતી. સોશ્યલ મીડિયા પર આને લઈને એક વિડીયો વાયરલ થયો હતો. 

સંકોચ સાથે પડાવ્યા ફોટો 

વિડિયોમાં દેખાઈ રહ્યું છે કે શિલ્પા શેટ્ટી એરપોર્ટથી બહાર નીકળી હતી અને ફોટોગ્રાફર્સ તેની તસવીરો ક્લિક કરી રહ્યા છે જે દરમિયાન તેણે ફોટો પાડવાની તેમની રિક્વેસ્ટનાં જવાબમાં થોડા સંકોચ સાથે એક બે મિનિટ રોકાઈને કહ્યું હતું કે લે ભાઈ લઈ લો ફોટો!

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

પતિ રાજ કુંદ્રા સાથે નથી દેખાઈ રહી અભિનેત્રી 

વિડિયોમાં તેણીના એકલા દેખાવા પર કેટલાક લોકો અટકળો લગાવી રહ્યા છે કારણ કે તે પતિ રાજ સાથે અને બાળકો સાથે હિમાચલ વેકેશન મનાવવા ગઈ હોવાનું બહાર આવ્યું હતું પરંતુ એરપોર્ટ પર તે એકલા જ જોવા મળી હતી.  વિડીયો પર એક ફેન દ્વારા કોમેન્ટમાં પૂછવામાં આવ્યું હતું કે રાજ કયા છે? હિમાચલમાં પ્રવાસ દરમિયાન તે પતિ રાજ કુંદ્રા સાથે મંદિરમાં ભગવાનનાં દર્શન  કરવા પહોંચી હતી. જેની તસવીરો સોશ્યલ મીડિયામાં વાયરલ થઈ હતી. પોર્નોગ્રાફી કેસમાં જેલમાંથી પરત આવેલા રાજ કુંદ્રા સાથે આ તેની પહેલી ટ્રીપ હતી. 

રાજ કુંદ્રાને મળ્યા જામીન 
રાજ કુંદ્રાને થોડા દિવસ પહેલા જ જામીન મળ્યા હતા અને તે જેલમાંથી બહાર આવ્યો હતો. જેલમાંથી બહાર આવ્યા બાદ તુરંત તેણે પોતાના ઇન્સ્ટાગ્રામ અને ટ્વિટર અકાઉન્ટ ડિલીટ કરી દીધા હતા. શિલ્પા શેટ્ટીનાં હિમાચલ પ્રવાસ દરમિયાન તેણે ઇન્સ્ટાગ્રામ પર ઘણા ફોટોઝ શેર કર્યા હતા. પરંતુ આ ફોટોઝમાં રાજ કુંદ્રા દેખાયા ન્હોતા.