બોલિવૂડ એક્ટ્રેસ શિલ્પા શેટ્ટી 44 વર્ષની ઉંમરે બીજીવાર મમ્મી બની ગઈ છે અને તેના ઘરે દીકરીનો જન્મ થયો છે. એકવાર ફરી તે મમ્મી બની ગઈ છે. સોશિયલ મીડિયા પર શિલ્પાએ આ ખુશીના સમાચાર આપ્યા છે. તેની દીકરીનો જન્મ 15 ફેબ્રુઆરી 2020એ થયો છે.
શિલ્પા શેટ્ટી અને રાજ કુન્દ્રાના ઘરે સરોગેસીથી દીકરીનો જન્મ થયો છે. જોકે, અત્યાર સુધી તેણે આ વાત બધાંથી છુપાવીને રાખી, પણ હવે સોશિયલ મીડિયા પર શિલ્પાએ દીકરીના હાથની તસવીર શેર કરી છે. તસવીર શેર કરતાં શિલ્પા શેટ્ટીએ લખ્યું, ઓમ ગણેશાય નમઃ અમારી પ્રાર્થનાઓનો જવાબ એક ચમત્કાર સાથે મળી ગયો છે. અમારી લિટલ એન્જલે ઘરમાં આગમન કર્યું છે. સમિષા શેટ્ટી કુંદ્રાના. સમિષાનો 15 ફેબ્રુઆરી 2020ના રોજ તેનો જન્મ થયો. ઘરમાં જૂનિયર SSKનું આગમન થયું છે. શિલ્પાએ તેની દીકરીના નામનો અર્થ સમજાવતા લખ્યું, સંસ્કૃતમાં ‘સ’નો અર્થ થાય છે હોવું અને મિષાનો રશિયન ભાષામાં અર્થ થાય છે કોઈ ઈશ્વર જેવું. અમારી લક્ષ્મી માતા. અમારી દીકરીને પ્રેમ અને આશીર્વાદ આપો.
તમને જણાવી દઈએ કે શિલ્પા શેટ્ટી અને રાજ કુન્દ્રાની આ બીજી સંતાન છે. આ બંનેએ 22 નવેમ્બર 2009એ લગ્ન કર્યા હતા. શિલ્પા અને રાજનો એક દિકરો વિયાન રાજ કુન્દ્રા છે જેનો જન્મ 2012માં થયો હતો. લગ્નના 11 વર્ષ બાદ શિલ્પા બીજીવાર ફરી મમ્મી બની છે.