બોલિવુડની એક્ટ્રેસ શિલ્પા શેટ્ટી પોતાની ફિટનેશને લઇને સતત ચર્ચામાં રહે છે.
યોગની મદદથી શિલ્પા શેટ્ટી ફિટનેસને લઇને કામ કરી રહી છે અને પોતાની ફિટનેશ એપ પણ લોન્ચ કરી છે. હવે લોકોની ફિટનેસની મદદથી કેન્દ્ર સરકારની સાથે મળીને કામ કરશે. જી હા, એક્ટ્રેસ શિલ્પા શેટ્ટીને પ્રધાનમંત્રી નરેન્દ્ર મોદીની એડ્વાઇઝરી કમિટીમાં શામેલ કરવામાં આવી છે. આ કમિટી કેન્દ્ર સરકારે ફિટ ઇન્ડિયા અભિયાન હેઠળ બનાવી છે, જેની શિલ્પા શેટ્ટીને મેમ્બર બનાવાઇ છે.
I am happy to be on the advisory committee of the Fit India movement envisaged by our Honourable PM.
Hoping to lend my support in finding fun, easy ways to make every Indian fit and making this movement/vision a success.@PMOIndia@KirenRijiju@Media_SAI
શિલ્પા શેટ્ટીએ પોતે ઑફિશ્યલ સોશ્યલ મીડિયા પર આ વાતની જાણકારી આપા છે. શિલ્પા શેટ્ટીએ લખ્યુ કે, ''મને તમને જણાવતા આનંદ થાય છે કે માનનીય પ્રધાનમંત્રી નરેન્દ્ર મોદીની તરફથી શરૂ કરવામાં આવેલા 'ફિટ ઇન્ડિયા અભિયાન' ની એડવાઇઝરી સમિતિની મને સભ્ય બનાવવામાં આવી છે. આશા કરૂ છું કે, દરેક ભારતીયને ફિટ રાખવા માટે સરળ રીતે શોધીને મદદ કરી શકુ અને આ અભિયાનને સફળ બનાવી શકુ. '' આ પહેલા પણ શિલ્પા શેટ્ટી સરકારના ફિટનેસથી જોડાયેલા કાર્યક્રમોમાં ભાગ લઇ ચૂકી છે.
તમને જણાવી દઇએ કે, સરકારી અધિકારીઓ, ભારતીય ઓલ્મિપિક સંઘના સભ્યો, રાષ્ટ્રીય ખેલ મહાસંઘ, નિજી સંસ્થાઓ અને ફિટનેસ પ્રોમટરોની હાજરીમાં આ સમિતિ બનાવવામાં આવી છે જે 'ફિટ ભારત અભિયાન' હેઠળ સરકારને સલાહ આપશે.
પ્રધાનમંત્રી નરેન્દ્ર મોદી 29 ઓગસ્ટના આ અભિયાનની શરૂઆત કરશે. ફિટ ઇન્ડિયા મૂવમેન્ટના હેતુ દેશના નાગરિકો અને ખાસ કરીને વિદ્યાર્થીઓને રોજિંદા જીવનમાં શારીરિક ગતિવિધને વિકસિત કરવાનો છે. ફિટ ઇન્ડિયા કાર્યક્રમને દેશભરની કૉલેજો અને યુનિવર્સિટીને મોટી સ્ક્રીન પર લાઇવ ટેલિકાસ્ટ કરવામાં આવશે. પ્રધાનમંત્રી નરેન્દ્ર મોદીએ 'મન કી બાત' આ વાતનો ઉલ્લેખ કર્યો હતો.
ઉલ્લેખનીય છે કે, એક ન્યૂઝપેપરમાં આપેલા ઇન્ટરવ્યૂમાં શિલ્પાએ જણાવ્યુ કે, ''મને એક દવાઓની જાહેરાત માટે 10 કરોડ રૂપિયા ઑફર થયા હતા, પરંતુ આ ઑફરનો મેં ઇન્કાર કરી દીધો.'' તમને જણાવી દઇએ કે, શિલ્પા લાંબા સમય પછી સિલ્વર સ્ક્રીન પર પાછી ફરશે, તેની આગામી ફિલ્મનું નામ 'નિકમ્મા' છે.