શિલ્પાની જેમ તેનો પતિ રાજ કુન્દ્રા પણ સોશિયલ મીડિયા પર ખૂબ જ એક્ટિવ રહે છે, ત્યારે હાલમાં જ તેણે દિકરા સાથે રસ્તાઓ પર સૂતા ગરીબોને ધાબળા વહેંચ્યા હતા.
શિલ્પા શેટ્ટી અને તેનો પતિ રાજ કુન્દ્રા સોશિયલ મીડિયા પર ખૂબ જ એક્ટિવ રહે છે
હાલમાં જ રાજે એક વીડિયો શેર કર્યો
રાજ તેમના દિકરા વિઆનને એશોઆરામની કિંમત સમજાવી રહ્યો છે
બોલિવૂડની સૌથી ફિટ એક્ટ્રેસિસમાંથી એક શિલ્પા શેટ્ટી તેની ફિટનેસ અને ફિગર માટે લોકો માટે એક ઈન્સ્પીરેશન બની ગઈ છે. તે સોશિયલ મીડિયા પર ખૂબ જ એક્ટિવ રહે છે અને તેના મજેદાર ફોટોઝ અને વીડિયોઝ ફેન્સ સાથે શેર કરતી રહે છે. ત્યારે હાલમાં જ શિલ્પાના પતિ રાજ કુન્દ્રાએ એક એવો વીડિયો શેર કર્યો છે જે ખૂબ જ વાયરલ થઈ રહ્યો છે.
તમને જણાવી દઈએ કે શિલ્પાનો પતિ રાજ ઈન્ડસ્ટ્રીથી જોડાયેલો નથી, તેમ છતાં શિલ્પાના ફેન્સ વચ્ચે તે ઘણો જ પોપ્યુલર છે. તે સોશિયલ મીડિયા પર લોકોને એન્ટરટેન કરતો રહે છે અને ઘણો એક્ટિવ પણ રહે છે. તે અવારનવાર ફની પોસ્ટ શેર કરે છે. જોકે, આ વખતે તેણે એક એવો વીડિયો શેર કર્યો છે જેનાથી બધાંને શીખ મળે છે. રાજ કુન્દ્રાએ તેના દિકરા વિઆન સાથે રસ્તાઓ પર સૂઈ રહેલાં ગરીબ લોકોને બ્લેન્કેટ વહેંચ્યા.
રાજ કુંદ્રાએ વીડિયો સાથે લખ્યું, એક દિવસ, એક સારું કામ. આપણે આપણાં બાળકોને સંસ્કાર આપવાની જરૂર છે. આપણે વસ્તુઓને હળવાશથી લઈ શકીએ નહીં. રાજ કુંદ્રાએ જણાવ્યું કે તેઓ સવારે છ વાગ્યે દિકરા સાથે ધાબળા વહેંચવા નીકળ્યા છે. કેટલીકવાર બાળકોને શીખવવું જરૂરી છે કે માથા ઉપરની છત, પ્લેટમાં ભોજન અને સારાં પલંગ સરળતાથી મળતા નથી.
શિલ્પા શેટ્ટીના વર્કફ્રંટની વાત કરીએ તો શિલ્પા શેટ્ટી ફિલ્મ 'નિકમ્મા'માં જોવા મળશે. ફિલ્મમાં તેની સાથે પરેશ રાવલ, અભિમન્યુ દાસાની, શર્લી સેટિયા સહિતના એક્ટર્સ છે. આ સિવાય શિલ્પા શેટ્ટી હંગામા 2માં પણ જોવા મળશે. આ ફિલ્મ વર્ષ 2003માં ધમાલ મચાલી ચૂકેલી જબરદસ્ત કોમેડી ફિલ્મ હંગામાની સીક્વલ છે. શિલ્પા શેટ્ટીની છેલ્લીવાર 2007માં રિલીઝ થેયલી ફિલ્મમાં જોવા મળી હતી. એ સિવાય તે એકલ-દોકલ ફિલ્મોમાં જોવા મળી હતી. આ સિવાય તે કોઈ ફિલ્મમાં કેમિયો રોલ કરતા અથવા તો કોઈ ફિલ્મમાં ગીત પર પર્ફોમ કર્યું છે. તમને જણાવી દઈએ કે, ફિલ્મ 'હંગામા 2' 2021માં રિલીઝ થવાની વાતો ચાલી રહી છે. ફિલ્મની સ્ટારકાસ્ટની વાત કરીએ તો પરેશ રાવલ, શિલ્પા શેટ્ટી, મીઝાન જાફરી તથા સાઉથ સેન્સેશન પ્રણીતા સુભાષ મુખ્ય ભૂમિકામાં જોવા મળશે. ફિલ્મને પ્રિયદર્શન ડિરેક્ટ કરવાના છે.