ટ્રોલ / ગણતંત્ર દિવસ પર શિલ્પા શેટ્ટીની ભૂલ ભરેલી ટ્વીટ પર ટ્રોલર્સ આર્મીએ ખૂબ ટ્રોલ કરી

• શિલ્પા શેટ્ટી કુન્દ્રા પર ટ્રોલર્સ આર્મીએ ખૂબ પ્રતિક્રિયાઓ આપી
• એક યુઝરે ટ્રોલ કરતા કહ્યું કશો વાંધો નહીં આવતી 26મી જાન્યુઆરીએ યાદ રાખજો
• શિલ્પા ગણતંત્ર અને સ્વતંત્રતાનું ભેદ ભુલી ગઈ 

શિલ્પાને ગણતંત્ર દિવસની શુભેચ્છા આપવી ભારે પડી

ભારતનાં 72માં ગણતંત્ર દિવસની ઉજવણી દેશભરમાં થઈ રહી છે અને ઠેર ઠેરથી લોકો સોશિયલ મીડિયા પર ગણતંત્ર દિવસની એકબીજાને શુભેચ્છાઓ પાઠવી રહ્યાં છે. ઘણાં બોલિવૂડ અભિનેતાઓએ પણ ટ્વીટર પર ગણતંત્ર દિવસની શુભેચ્છાઓ ટ્વીટ કરી છે જેમાં અભિનેત્રી શિલ્પા શેટ્ટી કુન્દ્રાની ટ્વીટ પર ટ્રોલરનું જૂથ ઉમટી પડ્યું હતું. 

ગણતંત્ર દિવસની શુભેચ્છા પર ટ્રોલર્સ આર્મી સક્રિય બની

શિલ્પા શેટ્ટી કુંન્દ્રાએ તેનાં ટ્વીટર એકાઉન્ટ પર સવારે ગણતંત્ર દિવસની શુભેચ્છા પાઠવતું ટ્વીટ કર્યું પણ તેમાં તેણે જે લખ્યું તેનાં લીધે તેની ખૂબ મજાક બની હતી. શિલ્પાએ ટ્વીટ કરી હતી કે,"72માં સ્વતંત્રતા દિવસની હાર્દિક શુભેચ્છાઓ. દરેક ભારતીય ને હેપ્પી રિપબ્લિક ડે. ચાલો આપણે આપણા બંધારણ દ્વારા આપેલા અધિકાર અને ફરજોને સમર્થન આપવાની પ્રતિજ્ઞા કરીએ... ફક્ત આપણા માટે જ નહીં, પણ આપણા દરેક સાથી નાગરિકો માટે પણ. જય હિન્દ!" શિલ્પનાં આ ટ્વીટની શરુઆતમાં તેણે ગણતંત્રની જગ્યાએ સ્વતંત્રતા દિવસની હાર્દિક શુભેચ્છાઓ લખતા ટ્રોલર્સ આર્મી સક્રિય બની ગઈ હતી અને તેનાં પર પોતાની પ્રતિક્રિયાઓ આપવા લાગી હતી. 

ભૂલ સમજાતા શિલ્પાએ ટ્વીટ એડિટ કરી

શિલ્પા શેટ્ટીનાં આ ભુલ ભરેલા ટ્વીટને લીધે એક યુઝરે તો કહી દીધુ કે કંઈ વાંધો નહીં આવતા વર્ષની 26મી જાન્યુઆરીએ યાદ રાખજો જ્યારે બીજા એક યુઝરે શિલ્પા શેટ્ટીનો ફોટો મુકીને લખ્યું કે શું વાત કરો છો બંને એક જ દિવસે નથી આવતા કે શું. જોકે પોતાની ભૂલ સમજાતા શિલ્પા શેટ્ટીએ તે ટ્વીટ એડિટ કરીને તેમાં સ્વતંત્રતા દિવસની જગ્યા ગણતંત્ર દિવસ કરી નાંખ્યું પણ ટ્રોલર્સ આર્મીએ તેમ છતાં પણ તેને બક્ષી નહોતી.