શિલ્પા શેટ્ટીના પતિ રાજ કુંદ્રાની ધરપકડ બાદ સોશિયલ મીડિયા પર લોકો સતત શિલ્પા શેટ્ટીને ટ્રોલ કરી રહ્યા છે. સોશિયલ મીડિયા પર તેની વિરુદ્ધ સતત વાતો કહેવામાં આવી રહી છે. તો આ સેલેબ્સ શિલ્પાને સપોર્ટ કરી રહ્યાં છે.
પોર્નોગ્રાફી કાંડ બાદ શિલ્પા શેટ્ટી સતત ટ્રોલ થઈ રહી છે
આ બોલિવૂડ સેલેબ્સ શિલ્પાના સપોર્ટમાં આવ્યા
ટ્રોલર્સને આપ્યો જડબાતોડ જવાબ
આવા ખરાબ સમયમાં ઘણાં બોલિવૂડ સ્ટાર્સ શિલ્પાને સપોર્ટ કરી રહ્યાં છે. ફિલ્મ નિર્માતા હંસલ મહેતા શિલ્પા શેટ્ટીને સપોર્ટમાં આગળ આવ્યા છે અને ટ્રોલર્સને જડબાતોડ જવાબ પણ આપી રહ્યાં છે.
We've made a national sport out of blaming women for the mistakes of the men in their lives.
Glad she's suing. https://t.co/XSK2sQY0uo
ફિલ્મ નિર્માતા હંસલ મહેતા બાદ બોલિવૂજડ એક્ટ્રેસ રિચા ચઢ્ઢાએ શિલ્પા શેટ્ટીનું સમર્થન કર્યું છે. હંસલ મહેતાના ટ્વિટને રીટ્વિટ કરતા રિચાએ લખ્યું, 'અમે મહિલાઓને તેમના જીવનમાં પુરુષોની ભૂલો માટે જવાબદાર ઠેરવવા માટે એક રાષ્ટ્રીય રમત બનાવી છે. ખુશી છે કે તે દાવો કરી રહી છે.
હંસલ મહેતાએ ટ્રોલર્સને લીધા આડેહાથ
ફિલ્મ નિર્માતા હંસલ મહેતાએ શુક્રવારે પોતાના ટ્વિટર હેન્ડર પર બધાંને એ વિનંતી કરતા શિલ્પા શેટ્ટીને થોડો સ્પેસ આપવાની વાત કહી હતી. ઉપરાંત, હંસલે કહ્યું હતું કે ન્યાય થાય તે પહેલાં જ સેલેબ્સ એટલે કે પબ્લિક ફિગર્સને દોષિત જાહેર કરવામાં આવે છે.
હંસલ મહેતાએ શિલ્પાને કર્યો સપોર્ટ
પોતાની ટ્વિટમાં હંસલ મહેતાએ લખ્યું કે, 'જો તમે તેનો સાથ નથી આપી શકતા તો શિલ્પા શેટ્ટીને એકલી છોડી દો અને કાયદાને નિર્ણય લેવા દો? તેમને ગૌરવ અને પર્સનલ સ્પેસ આપો. આ કમનસીબી છે કે જાહેર જીવનમાં લોકોએ એકલા પોતાના માટે લડવું પડે છે અને ન્યાયિક પરિણામો બહાર આવે તે પહેલાં જ તેમને દોષિત જાહેર કરવામાં આવે છે. તમને જણાવી દઈએ કે, શિલ્પા શેટ્ટી તેના પતિ રાજ કુંદ્રાની ધરપકડ બાદથી સતત ચર્ચામાં છે. રાજની પોર્નોગ્રાફી કન્ટેન્ટ બનાવવા અને પ્રકાશિત કરવા બદલ ધરપકડ કરવામાં આવી છે. હાલમાં રાજ કુન્દ્રા 14 દિવસ માટે ન્યાયિક કસ્ટડીમાં છે.
શિલ્પા બોમ્બે હાઈકોર્ટ પહોંચી
આ દરમિયાન શિલ્પા શેટ્ટીએ હાલમાં જ બોમ્બે હાઈકોર્ટનો સંપર્ક કર્યો અને વિવિધ મીડિયા સંસ્થાઓ અને સોશિયલ મીડિયા પ્લેટફોર્મ પર પતિની ધરપકડ અંગે ખોટી અને અપમાનજનક વાતો લખવા પર રોક લગાવવાની માંગ કરી હતી. તેણે માનહાનિના કેસમાં 25 કરોડનું માંગ્યા હતા. તેણે મીડિયા આઉટલેટ્સને બિનશરતી માફી માંગવા પણ કહ્યું. મુંબઈ ક્રાઈમ બ્રાંચે મંગળવારે કહ્યું કે અભિનેત્રી શિલ્પા શેટ્ટીને પોર્નોગ્રાફી રેકેટ કેસમાં હજુ સુધી ક્લીનચીટ આપવામાં આવી નથી, જ્યાં તેનો પતિ અને ઉદ્યોગપતિ રાજ કુંદ્રા મુખ્ય આરોપી છે.