શિલ્પા શેટ્ટી અને તેનો પતિ રાજ કુંદ્રા સોશિયલ મીડિયા પર ખૂબ એક્ટિવ રહે છે અને અવારનવાર ફની વીડિયો શેર કરતા રહે છે. ત્યારે હાલમાં જ શિલ્પાએ તેના ઈન્સ્ટાગ્રામ પર તેની દીકરી સમીષા અને પતિ રાજ કુન્દ્રાનો એક મજેદાર વીડિયો શેર કર્યો છે. જેને જોઈને તમને મજા પડી જશે. આ વીડિયો ખૂજ જ ક્યૂટ છે. મિનિટોમાં આ વીડિયોને લાખો વ્યૂઝ અને લાઈક્સ મળી ગયા છે. ફેન્સને વીડિયો ખૂબ પસંદ આવી રહ્યો છે.
શિલ્પા શેટ્ટીએ નવા વર્ષે શેર કર્યો દીકરી સમીષાનો ક્યૂટ વીડિયો
રાજ કુંદ્રાએ આ વીડિયો પોસ્ટ કર્યો છે, જેને શિલ્પા શેટ્ટીએ ઈન્સ્ટાગ્રામ પર રીશેર કર્યો છે. વીડિયોની સાથે શિલ્પાએ કેપ્શન આપ્યું છે, ચિંતા ઓછી કરો, ગીત વધારે ગાઓ. સમીષા શેટ્ટી કુંદ્રાનું કહેવું છે કે રાજ કુંદ્રા તમારે ગાવાનું બંધ કરી દેવું જોઈએ.
શિલ્પા શેટ્ટીએ સરોગેસીથી સમીષાને જન્મ આપ્યો છે. તે પોતાની પ્રેગ્નેન્સી સાથે જોડાયેલી કોમ્પ્લિકેશન્સ વિશે પણ ઈન્ટરવ્યૂમાં જણાવી ચૂકી છે. તેણે લાંબા સમય સુધી દીકરીનો ચહેરો મીડિયાથી છુપાવી રાખ્યો હતો. પરંતુ એક દિવસે અચાનક તેની દીકરીની તસવીરો પાપારાઝીએ કેમેરામાં કેદ કરી લીધી. શિલ્પા ડોટર્સ ડેથી લઈને દિવાળી સુધી તમામ સેલિબ્રેશનમાં દીકરી પર વહાલ વરસાવતી જોવા મળે છે. શિલ્પાએ આ દિવાળી પર લક્ષ્મીજીની સાથે દીકરીની પણ પૂજા કરી હતી.
તમને જણાવી દઈએ કે, હાલ શિલ્પા શેટ્ટી પરિવારની સાથે ગોવામાં વેકેશન એન્જોય કરી રહી છે. તે ન્યૂ યર સેલિબ્રેટ કરવા પોતાના પરિવાર સાથે ગોવા પહોંચી છે અને ત્યાંથી અવાર નવાર તસવીરો અને વીડિયો શેર કરતી જોવા મળી રહી છે. હાલમાં શિલ્પાએ બ્લેક મોનોકનીમાં તસવીરો શેર કરી હતી. શિલ્પા તેમાં ખૂબ જ હોટ લાગી રહી છે. શિલ્પાની આ તસવીરો પણ ખૂબ જ વાયરલ થઈ હતી.