બોલિવૂડ એક્ટ્રેસ શિલ્પા શેટ્ટીએ દર વર્ષની જેમ આ વર્ષે પણ પોતાના ઘરે ગણપતિ બાપ્પાની મૂર્તિ પણ સ્થાપિત કરી છે. ધૂમધામથી તેણે પરિવાર સાથે વિસર્જન કરે છે. શિલ્પા શેટ્ટીના ફોટો અને વીડિયો વાયરલ થઈ રહ્યા છે. પરિવારની સાથે ગણપતિનું વિસર્જન કરતી શિલ્પા જોવા મળી રહી છે. વિસર્જન સમયે તે ડાન્સ કરતી પણ જોવા મળી રહી છે. આ વીડિયો સોશ્યલ મીડિયા પર વાયરલ થતાં ફેન્સ પણ કમેન્ટ કરી રહ્યા છે અને વખાણ પણ કરી રહ્યા છે.
શિલ્પા શેટ્ટીનો આ વીડિયો વૂંપલાએ પોતાના ઈન્સ્ટાગ્રામ એકાઉન્ટથી શેર કર્યો છે. તેમાં એક્ટ્રેસ ગણપતિ વિસર્જનમાં ડાન્સ કરી રહેલી જોવા મળે છે. એક્ટ્રેસ વીડિયોમાં પતિ અને દીકરા સાથે ડાન્સ કરતી ઝૂમતી જોવા મળે છે. એક વીડિયોમાં એક્ટ્રેસ પતિ સાથે ગણેશ વિસર્જન કરતી પણ જોવા મળી રહી છે. યલો અને ક્રીમ કલરના સૂટમાં શિલ્પાનો પારંપરિક લૂક ફેન્સને પસંદ આવી રહ્યો છે. ઉલ્લેખનીય છે કે શિલ્પા શેટ્ટીએ 2 દિવસ ગણપતિ બાપ્પાને સ્થાપિત કર્યા બાદ વિસર્જન કર્યું છે.
શિલ્પા શેટ્ટીએ વિસર્જન બાદ અહીં હાજર ફોટોગ્રાફર્સમાં પણ પ્રસાદ વહેંચ્યો છે. એક વીડિયોમાં શિલ્પા શેટ્ટી મોદક ભરેલી પ્લેટ ફોટોગ્રાફર્સને આપે છે અને કહે છે કે ભગવાન ગણેશનો આર્શિવાદ છે, દરેક વ્યક્તિ વહેંચી લો પણ પ્લેટ આપીને જજો. આ ડાયલોગ પર ફોટોગ્રાફર્સ અને શિલ્પા બંને હસવા લાગ્યા હતા. એક્ટ્રેસના વર્ક ફ્રંટની વાત કરીએે તો તે જલ્દી ફિલ્મ નિકમ્મા અને હંગામા 2માં જોવા મળશે. આ ફિલ્મની મદદથી શિલ્પા 20 વર્ષ બાદ એક્ટિંગની દુનિયામાં કમબેક કરશે.