છેતરપિંડી / Shilpa Shetty અને શમીતા શેટ્ટીને મળી કોર્ટમાંથી રાહત, પણ માતાના કેસે વધારી ચિંતા, મામલો ચીટિંગનો

• શિલ્પા શેટ્ટી અને શમિતા શેટ્ટી સામે છેતરપિંડીનો મામલો
• કોર્ટ દ્વારા બંનેને રાહત આપવામાં આવી
• શિલ્પા શેટ્ટીની માતા વિરૂદ્ધ થઈ શકે છે કાર્યવાહી 

ફિલ્મ અભિનેત્રી શિલ્પા શેટ્ટી અને તેની બહેન શમિતા શેટ્ટી સામે રૂપિયા 21 લાખની છેતરપિંડી કર્યાનો કેસ કોર્ટમાં ચાલી રહ્યો છે. આ કેસમાં બંને વિરૂદ્ધ સમન્સ પણ જારી કરવામાં આવ્યા હતા જો કે હવે સેશન્સ કોર્ટે આ સમન્સને ફગાવી દીધા છે. સમન્સ ફગાવતા બંને અભિનેત્રી માટે રાહતના સમાચાર સામે આવ્યા હતા. 

ક્યારનો છે મામલો ?

આ મામલો વર્ષ 2015ના જુલાઈ મહિનાનો છે કેસ ફરહાદ અમરા નામની ઓટોમોબાઈલ એજન્સીના માલિકે કર્યો હતો કે તેણે શિલ્પા શેટ્ટીના પિતાને મદદ કરી હતી. એટલુ જ નહીં તેમણે શિલ્પા શેટ્ટીના પિતા સુરેન્દ્ર શેટ્ટી પર આરોપ લગાવતા જણાવ્યું હતુ કે તેણે પોતાની બંને દીકરીઓ અને પત્ની સાથે એક કંપની શરૂ કરી હતી. મહત્વનું છે કે અભિનેત્રી શિલ્પા શેટ્ટીના પિતાનું વર્ષ 2016માં નિધન થયું હતું.

લોન પરત ન કરવાનો લગાવ્યો આરોપ

અમરા નામની ઓટોમોબાઈલ એજન્સીના માલિકે આક્ષેપ સાથે જણાવ્યું કે શિલ્પા શેટ્ટીએ તેના પિતાને આપેલી લોન પરત કરી રહી નથી. ગત વર્ષે અંધેરી કોર્ટે આ કેસમાં શિલ્પા શેટ્ટી, શમિતા શેટ્ટી અને સુનંદા શેટ્ટીને સમન્સ જારી કર્યા હતા. ત્યારે અભિનેત્રીએ આ સમન્સને મુંબઈ સેશન્સ કોર્ટમાં પડકારવામાં આવ્યો હતો. ત્યારે સેશન્સ કોર્ટે પોતાના આદેશમાં કહ્યું કે શિલ્પા અને શમિતા કંપનીમાં ભાગીદાર હોવાના કોઈ પુરાવા રજૂ કરવામાં આવ્યા નથી. ત્યારે બીજી તરફ કોર્ટે પણ સ્વીકાર્યું કે સુરેન્દ્ર અને સુનંદા ભાગીદાર છે.

શિલ્પા શેટ્ટીની માતા વિરૂદ્ધ કાર્યવાહી થઈ શકે છે

મુંબઈની સેશન્સ કોર્ટે પોતાના આદેશમાં જણાવતા કહ્યું હતુ કે, શિલ્પા અને શમિતા કંપનીમાં ભાગીદાર હોવાના કોઈ પુરાવા રજૂ કરવામાં આવ્યા નથી. ત્યારે બીજી તરફ કોર્ટે એ પણ સ્વીકાર્યું કે સુરેન્દ્ર અને સુનંદા ભાગીદાર છે. આ કારણે સેશન્સ કોર્ટે રૂપિયા 21 લાખની છેતરપિંડીના કેસમાં શિલ્પા અને શમિતાને જારી કરેલા સમન્સને રદ્દ કરી દીધા છે. જો કે, આ કેસમાં શિલ્પા શેટ્ટીની માતા સુનંદા સામેની કાર્યવાહી ચાલુ રહેશે.