36 વર્ષીય ડાબોડી બેટર શિખર ધવનની કેપ્ટનશિપમાં ભારતીય ટીમે વેસ્ટ ઈન્ડીઝમાં વન-ડે સીરીઝ જીતી હતી. ધવને સોશિયલ મીડિયામાં એક રીલ શેર કરી છે, જેને યુઝર્સ ખૂબ પસંદ કરી રહ્યાં છે. ઓપનર ધવનના આ વીડિયો પર યુઝર્સ ખૂબ કોમેન્ટ કરી રહ્યાં છે.
શિખર ધવને સોશિયલ મીડિયામાં એક રીલ શેર કરી
રીલમાં શિખરે કાળા ચશ્મા પહેર્યા છે
રીલમાં શિખર વસ્તુઓ પકડીને ઉભો રહ્યો છે
શિખર ધવનની રીલ જોઇને યુઝર્સ હસીહસીને લોટપોટ થયા
ભારતીય ક્રિકેટ ટીમના અનુભવી ઓપનર શિખર ધવન સોશિયલ મીડિયામાં ખૂબ સક્રિય રહે છે. શિખર ધવન થોડા-થોડા સમયે ફોટો અને વીડિયો શેર કરે છે. જેને યુઝર્સ ખૂબ પસંદ કરે છે. 36 વર્ષીય શિખર ધવને હાલમાં ઈન્સ્ટાગ્રામ પર એક રીલ શેર કરી છે, જેને જોઇને યુઝર્સ પોતાના હાસ્યને રોકી શક્યા નથી. ધવનના આ વીડિયોને અત્યાર સુધી અઢી લાખથી વધુ યુઝર્સ લાઇક કરી ચૂક્યા છે.
શિખર ધવને વીડિયોમાં પીળા રંગનો બાથરોબ પહેર્યો
ડાબોડી બેટર શિખરે ઈન્સ્ટાગ્રામ પેજ પર જે રીલ શેર કરી છે, તેમાં તેણે પીળા રંગનો બાથરોબ પહેર્યો છે. તેની આંખો પર એક કાળા ચશ્મા છે. તેણે ડાબા હાથમાં એક જોડી કાળા બૂટ, સફેદ શર્ટ અને કાળા રંગનુ પેન્ટ પકડ્યુ છે. તે ઉભા રહીને બુટ, શર્ટ અને પેન્ટને એક પછી એક ફેંકી રહ્યો છે. શિખર ધવને વીડિયોને કેપ્શન આપ્યું, બનના થા રાજા ભોજ, બન ગયા ગંગૂ તેલી. ધવનની આ રીલ પર યુઝર્સ અલગ-અલગ કોમેન્ટ કરી રહ્યાં છે.
આની પહેલા શિખર ધવને ઈશાન કિશન અને શુભમન ગિલની સાથે એક રીલ બનાવી હતી. આ રીલમાં ત્રણેય ખેલાડી ફરાસત અનીસના ગીત બીબા પર ડાન્સ કરતા દેખાયા હતા. ડાન્સ કરતી વખતે ત્રણેય માત્ર હાથ અને પગ હલાવી રહ્યાં હતા.