ક્રિકેટ / કેપ્ટન બનતા જ ધવને બનાવ્યા 6 રેકૉર્ડ : કોહલી,ધોની, ગાંગુલી બધા પાછળ

• ​શિખર ધવને તોડયા અઢળક રેકોર્ડ્સ 
• કેપ્ટનશિપ ડેબ્યૂમાં અપાવી ભારતને જીત 
• સિરીઝમાં ભારતે 1-0ની લીડ મેળવી 

ભારતની યુવા ટીમે શ્રીલંકાને હરાવ્યું
શિખર ધવનની કપ્તાનીમાં ભારતે શ્રીલંકાને તેમના જ ઘરમાં પછાડી દીધું છે. ધવનના 86 રન શ્રીલંકાને એકતરફી રીતે હરાવવામાં મદદરૂપ બન્યા અને તેની સાથે જ ભારતે ત્રણ મેચની સિરીઝમાં 1-0ની લીડ મેળવી લીધી છે. શ્રીલંકા સામેની આ જીતનું મહત્વ એટલા માટે વધારે છે કે, ભારતની યુવા ટીમે શ્રીલંકાને તેમના જ ઘરમાં એકતરફી રીતે હરાવ્યું છે. રાહુલ દ્રવિડની કોચીંગમાં આ ટીમ આ રીતે જ સદંતર સારું પ્રદર્શન કરશે તેવી આશા છે.    

 

 

 

 

View this post on Instagram

 

 

 

 

 

 

 

 

 

 

 

A post shared by Shikhar Dhawan (@shikhardofficial)

આ મેચની ખાસ વાત એ પણ છે કે, ભારતના કપ્તાન શિખર ધવને પ્રથમ મેચમાં જ 6 રેકોર્ડ તોડી નાખ્યા છે. તે આ પ્રમાણે છે. 

1. શિખર ધવને શ્રીલંકાની સામે સૌથી ઓછી મેચમાં 1000 રન પૂરા કરવાનો રેકોર્ડ પોતાના નામે કરી દીધો છે. પ્રથમ મેચમાં હાશિમ અમલાના 18 મેચમાં 1000 રનના રેકોર્ડને તોડીને શિખરે માત્ર 17 મેચમાં જ શ્રીલંકા સામે 1000 રન પૂરા કરી લીધા હતા. 
2. કેપ્ટનશિપની પ્રથમ મેચમાં જ સૌથી વધુ રન બનાવનારા ભારતીય ખેલાડીઓમાં ધવન બીજા નંબરે આવી ગયો છે. પ્રથમ સ્થાને સચિન તેંડુલકર છે. સચિને પણ શ્રીલંકા સામે જ 110 રન બનાવ્યા હતા. જ્યારે ધવન 86 રન સાથે બીજા ક્રમાંકે છે. 
3. શિખર ધવનના આંતરરાષ્ટ્રીય ક્રિકેટમાં 10 હજાર રન પૂર્ણ થયા છે. તેની સાથે જ આંતરરાષ્ટ્રીય ક્રિકેટમાં 10 હજાર રન પૂરા કરનારો ધવન 14મો ભારતીય ખેલાડી બન્યો. હાલમાં સચિન 34357 રન સાથે પ્રથમ સ્થાને છે. 
4. શિખર ધવનના વન-ડેમાં 6 હજાર રન પણ પૂરા થયા છે. વેસ્ટઇંડીઝના દિગ્ગજ ખેલાડી વિવિયન રિચર્ડ્સના 141 ઇનિંગમાં 6 હજાર રન કરવાના રેકોર્ડને શિખરે માત્ર 140 ઇનિંગમાં જ 6 હજાર રન બનાવીને તોડી દીધો છે.   
5. શિખર ધવને ઓપનર તરીકે પણ આંતરરાષ્ટ્રીય ક્રિકેટમાં 10 હજાર રન પૂરા કરવાનો રેકોર્ડ બનાવ્યો છે. આ રેકોર્ડ બનાવનાર ધવન માત્ર 5મો ખેલાડી બન્યો. 
6. ટીમ ઈન્ડિયા માટે કેપ્ટનશીપનું ડેબ્યૂ કરનાર ખેલાડીઓમાંથી શિખર ધવન સૌથી વધુ વયનો ખેલાડી બન્યો.