IPL 2022 / ઓરેન્જ કેપની રેસમાં ઉમેરાયો વધુ એક ભારતીય ખેલાડી, એક પછી એક રેકોર્ડ તોડી ટોપ ફાઇવમાં પહોંચ્યો

• IPL 2022 ના ટોપ 5 બેટ્સમેનોમાંથી 4 ભારતીય 
• શિખર ધવન ત્રીજા ક્રમે 
• પહેલા નંબરે હજુ પણ જોસ બટલર 

આઇપીએલ 2022 માં 38 મી મેચમાં પંજાબ કિંગ્સ અને ચેન્નાઈ સુપરકિંગ્સ વચ્ચે રમાયેલ મેચ બાદ ઘણા સમીકરણો બદલાઈ ગયા છે. આ મેચ બાદ ઓરેન્જ કેપની રેસમાં ઘણો મોટો  ફેરફાર થઈ ગયો છે. 

હજુ પણ પહેલા નંબરે બટલર 
ઓરેન્જ કેપની રેસમાં હજુ પણ જોસ બટલર પહેલા નંબરે છે. પણ ટોપ 5 માં વધુ એક ભારતીય ખેલાડીની એન્ટ્રીથી હવે હરીફાઈ તગડી થઈ ગઈ છે. 

પંજાબ કિંગ્સના સ્ટાર ઓપનર શિખર ધવને જોરદાર ઇનિંગ રમત 200 મી આઈપીએલ મેચમાં જ કેટલાય રેકોર્ડ્સ પોતાના નામે કરી લીધા હતા. 

ટોપ-5માં શિખર ધવનની એન્ટ્રી
શિખર ધવને ચેન્નાઈ સુપર કિંગ્સ સામેની આ મેચમાં 59 બોલમાં 9 ચોગ્ગા અને 2 છગ્ગાની મદદથી 88 રન બનાવ્યા હતા. 

શિખર ધવનના રેકોર્ડ્સ 

• આ ઇનિંગ દરમિયાન શિખર ધવને IPLમાં પોતાના 6000 રન પૂરા કર્યા. 
• આ સાથે IPL માં 200 મેચ રમનારો ખેલાડી પણ તે બની ગયો છે. 
• PL 2022માં ધવને અત્યાર સુધી 8 મેચમાં 302 રન બનાવ્યા છે. ધવન આ સિઝનમાં 43.14ની એવરેજથી રન બનાવી રહ્યો છે અને સ્ટ્રાઈક રેટ પણ 132.45નો છે.
• ધવન હવે ઓરેન્જ કેપની રેસમાં 302 રન સાથે ત્રીજા નંબરે આવી ગયો છે. હવે માત્ર જોસ બટલર અને કેએલ રાહુલ તેની આગળ છે.

ઓરેન્જ કેપની રેસમાં ટોચના 5 બેટ્સમેન

           બેટ્સમેન          મેચ        રન

• જોસ બટલર       7         491
• કેએલ રાહુલ        8         368
• શિખર ધવન       8         302
• હાર્દિક પંડ્યા       6         295
• તિલક વર્મા          8          272