સ્પોર્ટ્સના પ્રેમીને કહેવાની જરૂર નથી કે કોઈ ખેલાડી માટે તેની ફિટનેસ કેટલી મહત્વપૂર્ણ છે. મેચ પહેલાં ટ્રેનિંગ સેશનમાં પરસેવો પાડવો પડે છે. પોતાને કેપ્ટન-કોચ સામે સાબિત કરવા પડે છે. જિમમાં તનતોડ મહેનત કરવી પડે છે. ત્યારે જઈને મળે છે ઝડપી ગતિ, લચીલું શરીર અને કોઈપણ સીઝનમાં કલાકો મેદાનમાં પરાક્રમ દેખાડવાની તાકાત. ભૂતકાળમાં, આપણે ઘણાં પ્રતિભાશાળી ખેલાડીઓની કારકિર્દી ખરાબ ફિટનેસને કારણે ખતમ થતાં જોઈ છે. નિર્ણાયક શ્રેણી પહેલા ઈજા થવી કેટલી દુઃખદાયી હોય છે તે કોઈ ટીમ ઈન્ડિયાના 'ગબ્બર' શિખર ધવનને પૂછો.
શરીર સાથ આપતું ન હોવાથી ખતમ થઈ શકે છે આ ક્રિકેટરનું કરિયર
એક પછી એક ઈજા બની રહી છે દુશ્મન
અંગૂઠો, ઘૂંટણ અને હવે ખભાને ઈજા
અંગૂઠો, ઘૂંટણ અને હવે ખભો
લાગે છે કે, શિખર ધવનને તેના શરીર સાથે દુશ્મની છે. બેંગલુરુમાં ભારત અને ઓસ્ટ્રેલિયા વચ્ચેની શ્રેણીની છેલ્લી મેચમાં આ યુવા બેટ્સમેને ફિલ્ડિંગ દરમિયાન ખભા પર ઈજા પહોંચી હતી. બીસીસીઆઈએ ટ્વિટ કરીને જાણકારી આપી કે, ધવન હાલમાં એક્સ-રે માટે ગયો છે. બીજી ઇનિંગ્સમાં બેટિંગ કરવા પણ આવ્યો ન હતો. કેએલ રાહુલે ઇનિંગની શરૂઆત રોહિત સાથે કરી હતી. ભારતીય ક્રિકેટ ટીમે મેચ અને સીરિઝ જીતી લીધી હોવા છતાં પ્લાસ્ટર લાગેલી શિખર ધવનની તસવીર ઉડીને આંખે વળગતી હતી.
કઈ રીતે થઈ ઈજા અને કેટલી ગંભીર?
ઓસ્ટ્રેલિયન ઇનિંગની પાંચમી ઓવરમાં ધવન કવર એરિયામાં ફિલ્ડિંગ કરી રહ્યો હતો. તેણે એરોન ફિંચના શોટને રોકવા ડાઇવ લગાવી હતી અને તેના કારણે ડાબા ખભાને ઇજા પહોંચી હતી. ઈજા અંગેના અપડેટ એ છે કે, ખભાના એક્સ-રે રિપોર્ટની રાહ જોવામાં આવી રહી છે. તે ન્યૂઝીલેન્ડ પ્રવાસમાં આવી શકશે કે નહીં તે પણ હવે નક્કી નથી. 24 જાન્યુઆરીથી શરૂ થનારી આ ટૂર પર ભારતે પાંચ ટી -20, ત્રણ વન-ડે અને બે ટેસ્ટ સીરિઝ રમવાની છે. મેચ દરમિયાન કોમેન્ટ્રીમાં જણાવવામાં આવ્યું હતું કે, ધવનની ઈજા ગંભીર છે, હવે એ જોવાનું રહ્યું કે, શિખર આ પ્રવાસમાં ભારતીય ટીમનો હિસ્સો બની શકે છે કે નહીં.
છ મહિનાની અંદર ત્રીજી ગંભીર ઈજા
5 ડિસેમ્બર 1985ના રોજ જન્મેલા 34 વર્ષના શિખર ધવન માટે છેલ્લા કેટલાક સમય મુશ્કેલીમાં પસાર થયા છે. જૂન 2019માં વર્લ્ડ કપ દરમિયાન, ઓસ્ટ્રેલિયા સામે નાથન કોલ્ટર-નાઇલનો ઝડપી બોલ તેના અંગૂઠો પર પડ્યો હતો અને તેને ઈજા થઈ હતી, જેથી શિખર વર્લ્ડ કપમાંથી બહાર થઈ ગયો અને તેના કારણે આખી ટીમને હાલાકી વેઠવી પડી હતી.
નવેમ્બર 2019માં તેણે વાપસી કરી. આ ઓપનરે મેચને ફિટ કરવા માટે ઘરેલુ ક્રિકેટ રમવાનું શરૂ કર્યું. ધવન રન બનાવતી વખતે ડાઇવ લગાવી હતી, જેના કારણે ઝાડમાંથી લાકડાનો ટુકડો તેના ઘૂંટણમાં ઘૂંસી ગયો હતો અને તેને કાઢવા માટે તેની સર્જરી કરાઈ હતી. તેમાં લગભગ 25 ટાંકા લીધા હતા. પરિણામે, તે વેસ્ટ ઇન્ડીઝ સામેની વનડે અને ત્રણ મેચની ટી-20 આંતરરાષ્ટ્રીય શ્રેણીમાંથી બહાર થઈ ગયો હતો.
ઓસ્ટ્રેલિયા સામેની તાજેતરની શ્રેણીમાં તે પરત ફર્યો હતો. પ્રથમ મેચમાં દમદાર અર્ધસદી (74) ફટકારી બીજી મેચમાં સદી (96)થી ચાર રન પહેલાં આઉટ થઈ ગયો હતો. એવું લાગી રહ્યું હતું કે, 'ગબ્બર ઇઝ બેક' પરંતુ તે પહેલાં બીજી ઈજાએ ફરીથી કારકિર્દી પર બ્રેક લગાવી દીધી છે.
ટીમમાં પરત અથવા ઘર વાપસી કરવી પડશે
ધવનની ગેરહાજરીમાં કેએલ રાહુલે સૌથી વધુ તકો ઝડપી ટોપ ઓર્ડર બનાવ્યા. ટી20માં શિખરની કમી લાગવી ન દીધી. રોહિત શર્મા સાથે જોરદાર પર્ફોમન્સ આપ્યું. આવી સ્થિતિમાં જો 22 જાન્યુઆરીથી ન્યૂઝીલેન્ડ સામે શરૂ થનારી લાંબી શ્રેણીમાં ધવન ફિટ નહીં હોય તો લોકેશ રાહુલ તેનું સ્થાન લેવા માટે સંપૂર્ણ રીતે તૈયાર છે.