કોરોના વાયરસને કારણે અત્યારે દેશના તમામ લોકો આઈસોલેશનમાં છે, પરંતુ સેલ્ફ આઈસોલેશનમાં પણ બોલિવૂડ અને ક્રિકેટ જગતના લોકો ફેન્સના મનોરંજન માટે કંઈકને કંઈક એવું કરતા રહે છે જેને જોઈને મજા પડી જાય છે. એ જ રીતે હાલમાં જ ભારતીય ટીમના ક્રિકેટક શિખર ધવને પત્ની આયશા ધવન સાથે જ મજેદાર વીડિયો શેર કર્યો છે. જે સોશિયલ મીડિયા પર ખૂબ વાયરલ થઈ રહ્યો છે.
લોકડાઉનમાં ક્રિકેટરો આ રીતે પસાર કરી રહ્યાં છે ટાઈમ
ધવને હાલમાં જ પત્ની સાથે એક મજેદાર વીડિયો કર્યો શેર
તમને જણાવી દઈએ કે શિખર ધવન સોશિયલ મીડિયા પર અવારનવાર ફોટોઝ અને વીડિયો શેર કરતો રહે છે. હાલમાં જ તેણે એક્ટર જિતેન્દ્ર અને એક્ટ્રેસ લીલા ચંદ્રાવરકરના ફેમસ સોન્ગ 'ઢલ ગયા દિન' પર ડાંસ કરતો વીડિયો શેર કર્યો છે. જેમાં તેની પત્ની લીલા ચંદ્રરાવરકર બની છે. આ બંને ઘરે જ જિતેન્દ્ર અને લીલાના અવતારમાં બેડમિન્ટન રમતા અને ડાંસ કરતા જોવા મળી રહ્યાં છે.
આ વીડિયો હાલ સોશિયલ મીડિયા પર ધૂમ મચાવી રહ્યો છે. લોકો વીડિયો પર કમેન્ટ કરી રહ્યાં છે. આ વીડિયો શેર કરતા ધવને લખ્યું- હો ગઈ શામ, જાને દો જાના હૈ...વીડિયોમાં ધવને વ્હાઈટ ટી-શર્ટ અને વ્હાઈટ પેન્ટ પહેર્યું છે ત્યારે પત્ની આયશાએ પણ બ્લેક અને પિંક સૂટ પહેર્યો છે.
ધવનના આ વીડિયો પર ક્રિકેટર્સ પણ કમેન્ટ કરી રહ્યા છે અને સાથે જ તેની પ્રસંશા પણ કરી રહ્યા છે. ધવન સોશિયલ મીડિયા પર ઘણો જ એક્ટિવ રહે છે. થોડાં દિવસ પહેલાં જ તેણે કપડાં ધોતા એક વીડિયો શેર કર્યો હતો. એ પણ ફેન્સને ઘણો જ પસંદ આવ્યો છે. આ રીતે ભારતમાં લોકડાઉનની સ્થિતિમાં ક્રિકેટરો પોતાનો સમય પસાર કરી રહ્યાં છે.