ટીમ ઇન્ડિયાના ગબ્બર એટલે કે શિખર ધવને અફધાનિસ્તાન સામેની ઐતિહાસિક ટેસ્ટ મેચમાં મોટી સિદ્ઘિ હાંસલ કરી છે. બેંગ્લોરમાં રમાઇ રહેલી એકમાત્ર ટેસ્ટ મેચમાં શિખર ધવને અફધાનિસ્તાનના બૉલર્સને ધૂળ ચટાડી છે. લંચ પહેલા જ શિખર ધવને સેન્ચુરી કરી દીધી છે.
શિખર ધવને પહેલા સેશનમાં 91 બોલમાં 104 રન ફટકાર્યા છે. ધવને આ ઈનિંગમાં 19 બાઉન્ડ્રી અને 3 સિક્ટર્સ ફટકારી છે. સાથે જ ધવન લંચ પહેલા કોઈ ટેસ્ટની શરૂઆતના જ દિવસે સેન્ચુરી ફટકારનાર પહેલો ભારતીય અને વિશ્વના છઠ્ઠા બેટ્સમેન બન્યા છે.
લંચ પહેલા સેન્ચુરી ફટકારનાર બેટ્સમેન:
વી. ટ્રમ્પર- 1902માં ઈંગ્લેન્ડ સામેની મેચમાં
સી મર્કાટની- 1921માં ઈંગ્લેન્ડ સામે
ડૉન બ્રેડમેન- 1930માં ઈંગ્લેન્ડ સામેની મેચમાં
માજીદ ખાન- 1976માં ન્યૂઝીલેંડ સામે
ડેવિડ વોર્નર- 2017માં પાકિસ્તાન સામે
શિખર ધવન- 2018માં અફઘાનિસ્તાન સામે
લંચ પહેલલા સૌથી વધારે રન બનાવવાનો ભારતીય રેકોર્ડ પૂર્વ બેટ્સમેન વિરેન્દ્ર સહવાગના નામે હતો. સહવાગે 2006માં વેસ્ટ ઈન્ડિઝ સામે સેંટ લુસિયામાં 99 રન બનાવ્યા હતા. લંચ પહેલા શિખરે 104 બનાવ્યા જે ટેસ્ટ મેચના કોઈપણ દિવસે એક ભારતીય બેટ્સમેને બનાવેલો બીજો સૌથી સારો સ્કોર છે.